ස්ථාන

පොලොන්නරැවේ විද්‍යාධර ගුහාව

2018 දෙසැම්බර් 24 වැනි සඳුදා - 63  

පොලොන්නරැ උත්තරාරාම භූමියේ ඇති ඓතිහාසික ස්ථාන අතරින්  විද්‍යාධර ගුහාවට හිමි වන්නෙ අද්විතීය ස්ථානයකි. සිතුවම් ගැන මෙන්ම කැටයම් අතින්ද මෙය මහත් ප්‍රසිද්ධියක් උසුලයි. මේ ඒ පිළිබඳවයි.
විද්‍යාධර ගුහාව ගල් ගුහාවක් පරිද්දෙන් ඇතුළට හාරා සකස් කොට ඇත. මෙහි ඇති බුද්ධ ප්‍රතිමාව පොලොන්නරැ උත්තරාරාම භූමියේ ඇති අනෙක් ප්‍රතිමා හා සසඳන විට කුඩාය. අලංකාර නිර්මාණයකි. ගල් කුල ඇතුළට හාරා ගෙන යද්දී පිහිටි ගලෙන්ම බුද්ධ ප්‍රතිමාව මතු කර ගැනීමෙන් ශිල්පියාගේ දක්ෂතාව මනාවට පෙන්වයි. මෙම බුදුරැව අතීතයේ රන් ආලේප කොට තිබූ බවට ප්‍රතිමාවේ දැනට ඉතිරිව පවතින සලකුණු සාක්ෂි දරයි. බුදුරැව සමාධි ඉරියව්වෙන් වැඩ හිඳී. ප්‍රතිමාවේ ශීර්ෂයට ඉහළින් දක්වා ඇති ඡත්‍රය විසිතුරැය. ප්‍රතිමාව පිටුපසින් ඒ  වටා අහස් කුස, දේව, බ්‍රහ්ම සමූහයා බුදුන්ට ගෞරව දක්වන අයුරින් කැටයම් කොට ඇත. එහි වම් පසින් ඇති ප්‍රධාන රැව බ්‍රහ්ම ලෙසද, දකුණු පසින් ඇති ප්‍රධාන රැව විෂ්ණු ලෙසද හඳුනා ගෙන ඇත. මෙම ප්‍රතිමාවෙන් බුදුන් බුද්ධත්වයට පත් වූ අවස්ථාව හෝ බුද්ධත්වයට පත් වීමෙන් අනතුරැව සමාපත්තියට සම වැදුණු අවස්ථාව නිරෑපණය වන බව වියතුන්ගේ අදහසයි.
සිතුවම්
මෙම ලෙන මුළුමනින්ම බිතුසිතුවමින් අලංකාර කර තිබුණද අද වන විට දැකිය හැක්කේ දෙපස බිත්ති කොනේ ශේෂව තිබෙන සිතුවම් කොටස් කිහිපයක් පමණි. 1817 මෙම සිතුවම් පිළිබඳව උනන්දුවක් දැක්වූ සර් ජෝන් මාෂල් විද්‍යාධර ගුහාවේ බිතුසිතුවම් වලින් අග්‍රගණ්‍ය සිතුවම් සම්ප්‍රදායක් පිළිබිඹු කරන බවත් එවැනි සිතුවම් පැරණි ඉන්දියාවෙන් පවා නොලැබෙන බවත් ප්‍රකාශ කොට ඇත. 1907 මෙම සිතුවම් අධ්‍යයනය කළ එච්. සී. පී බෙල්  මහතා ප්‍රකාශ කර සිටින්නේ මෙම සිතුවම් අජන්තා සිතුවම් වලට වඩා උසස් කලාත්මක අගයකින් යුක්ත බවයි. 


 

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...