ස්ථාන

අටදාගෙය, හැටදාගෙය

2018 දෙසැම්බර් 24 වැනි සඳුදා - 133  

පොලොන්නරැවේ පවතින පෞරාණික ස්ථාන කිහිපයක් පිළිබඳව පසුගිය කලාපයේදී අප සාකච්ඡා කළෙමු. මෙවර කලාපයෙනුත් අප අවධානය යොමු කරන්නේ එවන් පෞරාණික ස්ථාන දෙකක් පිළිබඳවයි.
අටදාගෙය


පොලොන්නරැව අගනගරය කොටගත් පළමුවන විජයබාහු රජු විසින් සිය මාලිගයට නුදුරින් පිටත නගරයෙහි කරවන ලද දළදා මාලිගය මෙනමින් හඳුන්වයි. පොලොන්නරැවේ දක්නට ලැබෙන ඉපැරණිම බෞද්ධ ගොඩනැගිල්ල මෙයයි. එකල  දළදා මාලිගය මහල් දෙකකින් යුක්ත විය. වර්තමානය වන විට දක්නට හැක්කේ ගල් කණු කිහිපයක් පමණක් ඉතිරිව පවතින නටබුන් වූ ගොඩනැගිල්ලකි. දළදා මාලිගය දිගින් අඩි 75ක් හා පළලින් අඩි 45 ක් පමණ වෙයි. බිම් මහල ප්‍රතිමා මන්දිරයක් වශයෙන් පැවතී ඇත. ධාතූන් වහන්සේලා තැන්පත් කොට තිබෙන්නේ උඩුමහලෙහිය. ඒ  බව ඉහළ මාලයට නැගීමට ආධාර කොට ගත් පියගැට පෙළෙන් පෙනී යයි. ධාතූන් වහන්සේලාගේ ආරක්ෂාවට වේලයක්කාර නම් ද්‍රවිඩ කුලී හමුදාවක්ද යොදා දළදා වහන්සේ උදෙසා කළ යුතු වත්පිළිවෙත් ආදිය ඔවුන් ලවාම නිතිපතා සිදු කොට ඇත. ධාතූන් වහන්සේලා පිළිබඳව තොරතුරැ ඇතුළත් සෙල් ලිපියක් ද්‍රවිඩ අක්ෂරයෙන් ලියා ඒ ආසන්නයේම පිහිටුවා ඇත.    
අටදාගෙයි ගල් කුලුනු මනහර කැටයමින් යුක්තය. මින් කණ්ටක චෛත්‍යයේ වාහල්කඩ ටැම් කැටයම් සිහිපත් කරයි. මෙහි විසිතුරැ කැටයමින් යුතු එක් ගල් ටැඹක් දක්නට ඇති අතර එහි පුන්කළසකින් විහිදෙන කල්ප ලතාවක් බඳු කැටයමක් දක්නට ඇත. 
 ගොඩනැගිල්ල ඉදිරිපස සඳකඩපහණකි. පොලොන්නරැ යුගයේදී සඳකඩපහණෙන් ගවයා ඉවත් වුවද මෙම සඳකඩපහණෙහි ගව රැව කැටයම් කොට තිබීම විශේෂත්වයක් ගනී. මෙයින් පෙනී යන්නේ පොලොන්නරැවේ හින්දු බලපෑම් ඇති වීමට පෙර මෙය නිර්මාණය කොට ඇති බවයි. ගර්භ ගෘහය තුළ අඩි 9 ක්පමණ උසින් යුතු වූ හිටි බුද්ධ ප්‍රතිමාවකි. මෙම ප්‍රථිමාව අනුරාධපුර යුගයේ නිර්මිත බුද්ධ ප්‍රතිමාවලට සමානත්වයක් දක්වයි. 

හැටදාගෙය


විජයබාහු රජුගේ අටදාගෙයටත්, පරාක්‍රමබාහු රජුගේ වටදාගෙයටත් නැගෙනහිරින් හා උතුරින් හැටදාගෙය පිහිටා ඇත. නිශ්ශංකමල්ල රජු විසින් කරවන ලද දළදා මාලිගය හැටදාගෙය ලෙස හඳුන්වයි. නිශ්ශංකමල්ල රජු පොලොන්නරැවේ අභිෂේක ලැබූ පසු පුලස්ති පුරවරයේ රමණීය සෙල්මුවා ධාතුඝරයක් ඉදිකළ බව මහාවංශයේ සඳහන් වෙයි. නිශ්ශංකමල්ල රජු සැට පැයකින් පොලොන්නරැ නගරයේ ශෛලමය දළදා ගෙයක් කර වූ බව රාජාවලියේ, පූජාවලියේ, දළදා සිරිතෙහි හා ඔහු විසින් කරවන ලද ගල්පොත සෙල්ලිපියෙහිද දැක්වෙයි.  අටදාගෙය මෙන්ම දෙමහල්ව ඉදිකරන ලද්දකි. මෙහිද උඩුමහලෙහි ධාතූන් වහන්සේලා තැන්පත් කිරීම සිදු කළ අතර පහත මාලය ප්‍රතිමා මන්දිරයක් වශයෙන් භාවිත වී ඇත. 
ගොඩනැගිල්ලෙහි ඉදිරිපස දෙපස ගලින් නිම කළ පුන්කළස් දෙකක් පැවති බව දැනට ඉතිරිව පවතින පුන්කළසක් සාක්ෂි දරයි. උඩුමහලට යෑම සඳහා ඉදිකරන ලද පියගැට ‍ෙපළෙහි අවශේෂයන් තවමත් මෙහි ඉතිරිව පවතී. ගොඩනැගිල්ලේ පිටත බිත්ති හංස පංති මඟින් සරසා ඇත.   

 

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...