අලුත් පොත්

මුහුදුබත් වූ ටයිටැනික් සොයා කිමිදීමට වරම්

2019 ජනවාරි 11 වැනි සිකුරාදා - 288  

සියවසකට පමණ පෙරාතුව අත්ලාන්තික් සාගර කලාපයේදී මුහුදු බත් වුණු සුප්‍රසිද්ධ ටයිටැනික් නෞකාවේ සුන්බුන් සොයා කිමිදීමේ දුර්ලභ අවස්ථාවක් උදා වී ඇතැයි වාර්තා වෙයි. ඕෂන්ගේට් නම් ඇමෙරිකානු සමාගමක් මේ සඳහා මූලිකත්වය ගෙන ඇත. ලබන ජූනි 26 වැනිදා ඔවුන් මෙම කටයුතු ආරම්භ කිරීමට නියමිතය.

එහිදී මෙම මෙහෙයුම ටයිටැනික් සමීක්ෂණය කිරීමේ ගවේෂණය ලෙස නම් කර තිබේ. මෙම සමාගම මුලින්ම 2018 වසරේ මැයි මාසයේදී ටයිටැනික් හි සුන්බුන් සොයා කිමිදීම ඇරඹීමට සැලසුම් කළද අයහපත් කාලගුණික තත්ත්වයන් නිසා එය 2019 වසර දක්වා කල් දැමීමට ඔවුන් සිදුවිය.

එම සමාගමට අනුව දින 11ක් පුරා මෙම ගවේෂණය සිදු වෙයි. ඒ අනුව කැනඩාවේ නිව්ෆවුන්ඩ්ලන්තයේ ශාන්ත ජොන්ස්හි සිට මෙම පිරිස් ගුවන් මගින් සාගරයේ පිහිටි කිමිදුම් සඳහා සහාය දක්වන නෞකාව වෙත රැගෙන යාම සිදු වෙයි. ගවේෂණය සඳහා එක් වන එක් පුද්ගලයෙකුගෙන් අය කෙරෙන මුදල ඩොලර් 105,129 කි. ඒ අනුව මෙම මුදල අද දවසේදී ටයිටැනික් නෞකාව ක්‍රියාත්මක වුයේ නම් එහි පළමු පන්තියේ ටිකට් පතකට අය කෙරෙන ගාස්තුව හා සමාන බවත් විදෙස් මාධ්‍ය පවසයි.

මෙම සමාගම ලබන වසරේදී ගවේෂණ හයක් දියත් කිරීමට සැලසුම් කර තිබේ. ඒ අතරින් හතරක් සඳහා මේ වනවිටත් කිමිදුම්කරුවන් සම්පූර්ණ බව පැවසෙයි. එහෙත් ජූලි 25 සිට අගොස්තු 4 දක්වා සහ අගෝස්තු 1 සිට 12 දක්වා පවත්වන කිමිදුම් මෙහෙයුම් සඳහා සීමිත අවස්ථා කිහිපයක් විවෘතව පවතී. මෙහිදී කිමිදුම සඳහා එක්වන්නන් වයස අවුරුදු 18ට වඩා වැඩිවීම අනිවාර්යය වී තිබේ. එසේම කිමිදුමට පෙරාතුව ඔවුන් සියලු දෙනාටම ඒ සම්බන්ධයෙන් විශේෂිත පුහුණුවක්ද ලබා දෙයි.

1912 අප්‍රේල් 14 වැනිදා අත්ලානිතික් සාගර කළාපයේ තිබූ අයිස් කුට්ටියක ගැටීම නිසා ටයිටැනික් නෞකාව මුහුදු බත් විය. ඒ වනවිට මගීන් සහ කාර්ය මණ්ඩලයේ 1503 දෙනෙකු නෞකාවේ සිට තිබේ. ඒ අනුව 20 වැනි සියවසේ සිදුවුණු වඩාත් ප්‍රසිද්ධම සාගර අනතුර මෙය ලෙස ඉතිහාසයට එක්ව තිබේ. අනතුරුව 1984 වසරේදී එක් කණ්ඩායමක් මුහුදු පතුලේ තිබූ මෙම ටයිටැනික් නෞකාවේ සුන්බුන් සොයා ගැනීමට හැකිවිය. එහිදී මෙම සුන්බුන් මුහුදු මට්ටමේ සිට අඩි 12,600 ක් ගැඹුරේ පවතින බව අනාවරණය කෙරිණි.

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...