ස්ථාන

පොලොන්නරුවේ ශිව දේවාල

2019 ජනවාරි 15 වැනි අඟහරුවාදා - 154  

පසුගිය කලාපයෙන් ඓතිහාසික පොලොන්නරැ නගරයේ නටබුන්ව පවතින පොකුණු පිළිබඳව විස්තර ඉදිරිපත් කළෙමු. මෙවර කලාපයෙන් අප ගෙන එන්නේ එම ඓතිහාසික භූමියේ අදටත් ශේෂව පවතින ශිව දේවාල ද්විත්වය පිළිබඳවයි.   

අංක 01 ශිව දේවාලය


13 වන සියවසේදී පෙලොන්නරැවේ ඉදි වූ අංක 01 ශිව දේවාලය පාණ්ඩ්‍ය ගෘහ නිර්මාණ ශිල්ප ක්‍රමයට අනුව නිමවා ඇත. මෙම ගෘහ නිර්මාණ ශිල්ප ක්‍රමය, චෝල ගෘහ නිර්මාණ ශිල්ප ක්‍රමයට වඩා බෙහෙවින් සියුම් වූත් අලංකාර වූත් ශිල්පීය ක්‍රමයකි. කළු ගල් එකිනෙකට සම්බන්ධ කොට ගොඩනැගිලි නිමවා ඇත්තේ ඉතා සියුම් අන්දමිනි. දෙවොලේ පහත කොටස කළු ගලින් ද ඉහළ කොටස ගඩොලින් නිම කොට තිබූ බව පෙනෙයි. මණ්ඩපය, ගර්භ ගෘහය හා අන්තරාලය යන අංග වලින් දෙවොල සමන්විත වෙයි. මෙම දොවොලේ තිබී ලෝකඩ ප්‍රතිමා රුසක් හමු වී ඇත. නර්තනයේ යෙදෙන ශිව දේව ප්‍රතිමාව හා පාර්වතී දේවිය සමඟ සිටින ශිව දෙවියන් යන මූර්ති අතර වෙයි. 

අංක 02 ශිව දේවාලය


පොලොන්නරැවේ ඇති ශිව දේවාල අතුරින් පැරණිතම ශිව දේවාලය ලෙස සැලකෙයි. මෙම ශිව දේවාලයයි. පොලොන්නරැව ආක්‍රමණය කළ පළමුවන රාජේන්ද්‍ර චෝල නම් චෝල රජු විසින් ඔහුගේ මව වන වානවන් මහා දේවි ඊස්වරම් ( ඉසාර මුදියර්)  උදෙසා මෙය ඉදිකළ බව දෙවොලේ ඇති සෙල්ලිපියක සඳහන් වෙයි. තනි කළු ගලින් නිමවා ඇත. දකුණු ඉන්දීය ගෘහ නිර්මාණ ශිල්ප ක්‍රමයට අනුව ගොඩනැගිල්ල නිමවා ඇත. බාහිර බිත්ති බොරදම් හා විමානාකාර හැඩ වලින් අලංකාර කර ඇත. ගොඩනැලිල්ල ගර්භ ගෘහයකින් හා ආලින්දයකින් සමන්විත වෙයි. ගර්භ ගෘහය තුළ ශිවලිංගය තැන්පත් කර තිබීමෙන් හින්දූන් අතර එකල මෙහි ශිව ලිංග පූජාව පැවැති බවට අනාවරණය වෙයි. ඉදිරිපස දොරටුව දෙපස ශිව දෙවියන්ගේ වාහනය වූ නන්දි ගවයාගේ  ශෛලමය කැටයම් දෙකකි. දෙවොල අභ්‍යන්තරයේ තිබී හමු වූ ලෝහමය ප්‍රතිමා කිහිපයක් අද වන විට කෞතුකාගාරවල ප්‍රදර්ශණය කෙරේ.

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...