පාසල් ක්‍රීඩා පුවත්

සුනිල සංග්‍රාම ක්‍රිකට් තරගයේ ජය අම්බලන්ගොඩ ධර්මාශෝකයට - තරගයේ වීරයා නිමේෂ් මෙන්ඩිස් දක්ෂතම පන්දු යවන්නා ලොහාන් ද සොයිසා

2019 ජනවාරි 31 වැනි බ්‍රහස්පතින්දා - 15  

අම්බලන්ගොඩ ධර්මාශෝක විද්‍යාලය හා දේවානන්ද  විද්‍යාලය අතර පැවති 51 වැනි සුනිල සංග්‍රාම  ක්‍රිකට් තරගයෙන් කඩලු 6 ක පහසු  ජයක් ධර්මාශෝක විද්‍යාලය  විසින් දිනා ගන්නා ලදී .
ගෙවීගිය අඩසියවසක සුනිල සංග්‍රාම ක්‍රිකට් වංශ කතාවේ මේ  ධර්මාශෝක විද්‍යාලය විසින් දේවානන්ද විද්‍යාලයෙන් උදුරාගත්  11 වැනි  ජයයි. මීට වසර පහකට පෙර එනම් 2013 වසරේදී ධර්මාශෝක විද්‍යාලය විසින්  සිය 10 වැනි  ජය වාර්තා  කරන ලදී. මේ සුනිල  සංග්‍රාම වංශ  කතාවේ මේ වනවිටත් දේවානන්ද විද්‍යාලයට හිමිකර  ගැනීමට හැකියාව ලැබුෙණ් එකම එක ජයකි. ඒ ද  1963 දීය. තරග 39ක්ම ජය පරාජයෙන්  තොරව නිමාවට පත්ව තිබේ.
කඩුල්ල පිටුපස  සිට දක්ෂ අයුරින් උඩ පන්දු තුනක්  රුකගත් දේවානන්ද විද්‍යාලයේ  උප නායක සොහාන් ද  ලිවේරා තරගයේ දක්ෂතම පන්දු  රකින්නා ලෙසද ඉනිම දෙකේදීම ලකුණු 28 කට ප්‍රතිවාදී කඩලු 6 ක් බිඳ හෙලු ධර්මාශෝක විද්‍යාලයේ  ලොහාන් ද සොයිසා දක්ෂතම පන්දු යවන්නා ලෙස ද  පළමු ඉනිමේදී දක්ෂ ලෙස පන්දුවට පහර දෙමින් ලකුණු 57 ක් ලබාගෙන තරගයේ වැඩිම ලකුණු ලාභියාවූ  ධර්මාශෝක විද්‍යාලයේම කවිදු නදීශාන් තරගයේ දක්ෂතම පිතිකරැ  ලෙස ද  පළමු ඉනිමේදී පන්දුවට පහර දෙමින් ලකුණු 54ක් ද පන්දු යවමින් දෙවැනි ඉනිමේදී  ලකුණු 27 කට කඩුලු 4 ක් බිද හෙලු  ධර්මාශෝක විද්‍යාලයේ නායක නිමේෂ් මෙන්ඩිස් තරගයේ වීරයා ලෙස ද සම්මාන දිනා ගත්හ.


( කරන්දෙණිය එම්.සුසිල් ප්‍රියන්ත)

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...