ලොව වටා

ඩෙන්මාර්කයටත් පැන්ඩා වාසනාව

2019 අප්‍රේල් 11 වැනි බ්‍රහස්පතින්දා - 161  

ඩෙන්මාර්කයේ කෝපන්හේගන් සත්වෝද්‍යානය වෙත චීනයේ යෝධ පැන්ඩා පැටවුන් දෙදෙනකු රැගෙන යාමේ වැඩසටහනක් මේ වනවිට ක්‍රියාත්මක වන බව වාර්තා වෙයි. ඒ අනුව චීනයේ සිචුආන් පළාතේ පිහිටි පැන්ඩා පර්යේෂණ ආයතනයක වෙසෙන මාඕ එර් සහ ෂින්ග් එර් නම් පැන්ඩා සතුන් දෙදෙනකු මෙලෙස ඩෙන්මාර්කයට ලබාදීමට නියමිතව තිබේ. මෙම කටයුතු සාර්ථකවීමෙන් අනතුරුව ලොව වඳවීමේ තර්ජනයට ලක්ව ඇති මෙම පැන්ඩා සතුන් සහිත නමවැනි යුරෝපා රට බවටත් ඩෙන්මාර්කය පත්වීමට නියමිතය.

මේ පැටවුන් දෙදෙනාගෙන් මාඕ එර් අවුරුදු හතරක් වයසැති ගැහැණු පැටවෙකි. ෂින්ග් එර් අවුරුදු පහක් වයසැති පිරිමි පැටවෙකි. ඔවුන් දෙදෙනාම මේ වනවිට පර්යේෂණ ආයතනයේ කෙළිදෙලෙන් ගත කරන බව පැවසෙයි. එසේම කෝපන්හේගන් සත්වෝද්‍යානයේ සිට චීනයට පැමිණි ඔවුන් රැක බලාගන්නා සත්වෝද්‍යාන කාර්ය මණ්ඩලය මේ වනවිට ඔවුන් හා මිතුරු වෙමින් සිටියි. ඒ අනුව ඩෙන්මාර්කයට රැගෙන යාමෙන් අනතුරුව ඔවුන් සිය ජීවිතයේ ඉදිරි වසර 15ක කාලය කෝපන්හේගන් සත්වෝද්‍යානයේ වාසය කිරීමට ඔවුන්ට සිදු වෙයි.

2014 වසරේදී මෙම වැඩසටහන ආරම්භ විය. ඩෙන්මාර්කයේ දෙවැනි මාගරෙත් රැජින චීනයේ සිදුකළ සංචාරයක් අතරතුරදී මෙම චීනයත් සමග මෙම ව්‍යාපෘතිය පිළිබඳ එකඟතාවට පැමිණ ඇත. පසුව 2017 වසරේදී චීනය සහ ඩෙන්මාර්කය මෙලෙස වසර 15ක යෝධ පැන්ඩා පර්යේෂණ එකඟතාවක් අත්සන් තබා තිබේ.

දින පොත
  • සංවර්ධනය සහ පරිසර සංරක්ෂණය එකට ගමන් කළයුතුයි - ජනපති රටේ සහ මතු පරපුරේ අනාගත සුබ සිද්ධිය වෙනුවෙන් සංවර්ධනයත්, පරිසර සංරක්ෂණයත් සමබරව ඉදිරියට ගෙන යා යුතු බව ජනාධිපති ගෝඨාභය රාජපක්ෂ මහතා පැවැසීය Read more...
  • තෙත් බිම් සිතුවම් තරගයට සිතුවම් භාර ගැනේ ලෝක තෙත්බිම් දිනය නිමිත්තෙන් මධ්‍යම පරිසර අධිකාරිය, වනජිවී සංරක්ෂණ දෙපාර්තමේන්තුව හා අධ්‍යාපන අමාත්‍යංශය ඒකාබද්ධව විජය පුවත්පත් සමාගමේ මාධ්‍ය අනුග්‍රහයෙන් පවත්වනු ලබන දීප ව්‍යාප්ත චිත්‍ර තරඟාවලියට නිර්මාණ බාර ගැනේ Read more...
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 -----------------තරගය අවසන්--------------------------- පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019                         තරගය අවසන් සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...