ස්ථාන

දැදිගම කොටවෙහෙර

2019 අප්‍රේල් 18 වැනි බ්‍රහස්පතින්දා - 374  

නෙළුම්දෙණිය ගලපිටමඩ මාර්ගයේ ගිය විට මෙම ඓතිහාසික වටිනාකමින් යුත් ස්ථානයට ළඟා විය හැකිය. දැදිගම ග්‍රාමයේ මෙම කොට වෙහෙර පිහිටා ඇත. අතීතයේදී දැදිගම් පුරය පුංඛගාම ලෙස වංසකථාවල හඳුන්වා ඇත.
සූතිඝර දාගැබ


දැදිගම කොට වෙහෙර අනුස්මරණ දැගැබක් ලෙස සැලකේ. මෙම ප්‍රදේශය පළමුවන පරාක්‍රමබාහු රජුගේ ජන්ම භූමිය ලෙස හඳුනාගෙන ඇත. එතුමා උපන් තිඹිරිගෙය තිබූ ස්ථානයේ ඉදිකළ සූතිඝර දාගැබ වර්තමානයේ දැදිගම කොටවෙහෙර ලෙස ප්‍රසිද්ධව ඇත. මෙම දාගැබ ඉදිකළ ස්ථානයේ ඊට වඩා පැරණි කුඩා දැගැබක් තිබී හමු වී ඇත. සූතිඝර දාගැබ ඉදිකිරීමේදී එය ඉවත් කොට නැත. පසින් වැසී ගිය මෙම ස්මාරකය කුඩා ස්තූපයක් කේන්ද්‍ර කර ගනිමින් අර්ධ ගර්භයෙන් යුක්තව වෙහෙරක ස්වරෑපයෙන් ගොඩනගා ඇත. 
පුරාවස්තු රුසක් 


වර්ෂ 1951 දී පුරාවිද්‍යා දෙපාර්තමේන්තුවේ මැදිහත්වීමෙන් ආචාර්ය චාල්ස් කොඩකුඹුර මහතාගේ ප්‍රධාන ත්වයෙන් සිදු කරන ලද පර්යේෂණ කැණීම් මඟින් මෙම වෙහෙරෙහි කරැණු රුසක් අනාවරණය කර ගෙන ඇත. සිදු කරන ලද කැණීම්වලදී ධාතු ගර්භ දෙකක් හමු වී ඇත. එම ගර්භ තුළ තිබී වටිනා පුරාවස්තූන් රුසක් හමු වී ඇත. ධාතු කරඬුවක්, රත්තරන් තහඩුවලින් කරන ලද කුඩා බුද්ධ ප්‍රතිමා රාශියක් සහ චිර ප්‍රසිද්ධියට පත් දැදිගම ඇත් පහන ද හමු වී ඇත්තේ මෙම පුරාවස්තු අතර තිබීයදීය. 
දැදිගම ඇත් පහන 


මෙම ස්ථානයෙන් හමු වූ පුරාවස්තු අතර ඉතා වැදගත් වන්නේ දැදිගම ඇත් පහන නමින් හඳුන්වන පහනයි. මෙවැනි පහන් දෙකක් මෙහි තිබී හමු වී ඇත. මෙය වායු පීඩන තාක්ෂණයෙන් ක්‍රියා කරන ලෝකඩ පහනකි.පහන කොටස් කිහිපයකින් යුක්තය. එහි ඉහළ සිට පහළට පිළිවෙළින් එල්ලීමට භාවිතයට ගන්නා ලද නයි පෙණයක හැඩැති කොක්ක, බෙරවයන්නන්ගේ හා නැට්ටුවන්ගේ රැව සහිත පහන එල්ලා තැබිය හැකි දම්වැලකි. පිරිපුන් ඇත් රැව මත අලංකාර කැටයම් සහිත මකර තොරණකි. තෙල් ගබඩා කර ඇත්තේ ඇතාගේ කුස තුළය. ඇතාගේ කුසට තෙල් පුරවා ඇත්තේ ඉදිරි පාදයේ වූ නළයකිනි.වර්තමානය වන විට මෙම පහන් දෙකින් එකක් කොළඹ කෞතුකාගාරයේද, අනෙක දැදිගම කොටවෙහෙර අසල පුරාවිද්‍යා කෞතුකාගාරයේද තැන්පත් කොට ඇත. 

උපේක්ෂා මුණවීර
ඡායාරෑප - රැෂිරැ තරංග

දින පොත
  • සංවර්ධනය සහ පරිසර සංරක්ෂණය එකට ගමන් කළයුතුයි - ජනපති රටේ සහ මතු පරපුරේ අනාගත සුබ සිද්ධිය වෙනුවෙන් සංවර්ධනයත්, පරිසර සංරක්ෂණයත් සමබරව ඉදිරියට ගෙන යා යුතු බව ජනාධිපති ගෝඨාභය රාජපක්ෂ මහතා පැවැසීය Read more...
  • තෙත් බිම් සිතුවම් තරගයට සිතුවම් භාර ගැනේ ලෝක තෙත්බිම් දිනය නිමිත්තෙන් මධ්‍යම පරිසර අධිකාරිය, වනජිවී සංරක්ෂණ දෙපාර්තමේන්තුව හා අධ්‍යාපන අමාත්‍යංශය ඒකාබද්ධව විජය පුවත්පත් සමාගමේ මාධ්‍ය අනුග්‍රහයෙන් පවත්වනු ලබන දීප ව්‍යාප්ත චිත්‍ර තරඟාවලියට නිර්මාණ බාර ගැනේ Read more...
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 -----------------තරගය අවසන්--------------------------- පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019                         තරගය අවසන් සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...