පුවත්

වයඹ සහ මොරටුව සරසවිවල වෛද්‍ය පීඨ කඩිනමින් ඉදිකිරිමට පියවර

2019 මැයි 21 වැනි අඟහරුවාදා - 45  

වයඹ විශ්ව විද්‍යාලයේ වෛද්‍ය පීඨය සහ මොරටුව විශ්වවිද්‍යාලයේ වෛද්‍ය පීඨය කඩිනමින් ස්ථාපිත කිරිම පිළිබද සාකච්ඡාවක් සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතාගේ ප්‍රධානත්වයෙන් සෞඛ්‍ය අමාත්‍යාංශයේ දී පසුගියදා පැවැත්විනි.

වයඹ විශ්ව විද්‍යාලයට අනුබද්ධ වෛද්‍ය පීඨය කුලියාපිටිය ශික්ෂණ රෝහල කේන්ද්‍ර කර ගනිමින් ආරම්භ කිරිමට නියමිතය. ඒ සදහා වැය කරන මුදල රුපියල් බිලියන 29 කි. කුලියාපිටිය මුලික රෝහල ශික්ෂණ රෝහලක් බවට පත් කරන අතර, එහි මහාචාර්ය ඒකකයක් ද ඉදිකිරිමට නියමිතය. තව ද හදිසි අනතුරු හා හදිසි ප්‍රතිකාර ඒකකයක්. වෛද්‍ය නිල නිවාස සංකීර්ණයක්, බාහිර රෝගී සායන ඒකකයක්, සේවා ගොඩනැගිල්ලක් මූලික අදියර යටතේ ඉදිකරන අතර, ඒ සදහා වැය කරන මුදල රුපියල් බිලියන 15 කි. ඉදිකිරිම් කටයුතු ලබන ජුනි මාසය වන විට ආරම්භ කිරිමට පියවර ගන්නා බව සෞඛ්‍ය අමාත්‍යවරයා මෙහිදී අවධාරණය කර සිටියේය.

මොරටුව විශ්ව විද්‍යාලයට අනුබද්ධ වෛද්‍ය පීඨය කළුතර ප්‍රදේශයේ අක්කර 15 ක භූමිභාගයක ඉදිකිරීමට නියමිතය. ඒ සදහා කළුතර මහ රෝහල සහ පානදුර මුලික රෝහල සංවර්ධනය කරන අතර, කළුතර මහ රෝහලේ සංවර්ධන ව්‍යාපෘති මේ වනවිට ආරම්භ කර ඇත. පානදුර මුලික රෝහල යූරෝ මිලියන 22000 ක් වැය කරමින් සංවර්ධනය කරන අතර, වෛද්‍ය පීඨය ඉදිකිරිම සදහා වූ මුල්ගල් තැබීම මෙම වසර අවසානය වන විට සිදු කරන බව සෞඛ්‍ය අමාත්‍යවරයා මෙහිදී අවධාරණය කර සිටියේය.

මෙම අවස්ථාවට ජනතා විමුක්ති පෙරමුණේ පාර්ලිමේන්තු මන්ත්‍රී නලින් ද ජයතිස්ස, සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ, අතිරේක ලේකම් වෛද්‍ය සේවා සුනිල් ද අල්විස්, වයඹ සහ මොරටුව විශ්ව විද්‍යාලවල උපකුලපතිවරු, මහාචාර්යවරු එක්ව සිටියහ.(රජයේ නිල පුවත් සේවය)

දින පොත
  • සංවර්ධනය සහ පරිසර සංරක්ෂණය එකට ගමන් කළයුතුයි - ජනපති රටේ සහ මතු පරපුරේ අනාගත සුබ සිද්ධිය වෙනුවෙන් සංවර්ධනයත්, පරිසර සංරක්ෂණයත් සමබරව ඉදිරියට ගෙන යා යුතු බව ජනාධිපති ගෝඨාභය රාජපක්ෂ මහතා පැවැසීය Read more...
  • තෙත් බිම් සිතුවම් තරගයට සිතුවම් භාර ගැනේ ලෝක තෙත්බිම් දිනය නිමිත්තෙන් මධ්‍යම පරිසර අධිකාරිය, වනජිවී සංරක්ෂණ දෙපාර්තමේන්තුව හා අධ්‍යාපන අමාත්‍යංශය ඒකාබද්ධව විජය පුවත්පත් සමාගමේ මාධ්‍ය අනුග්‍රහයෙන් පවත්වනු ලබන දීප ව්‍යාප්ත චිත්‍ර තරඟාවලියට නිර්මාණ බාර ගැනේ Read more...
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 -----------------තරගය අවසන්--------------------------- පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019                         තරගය අවසන් සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...