ක්‍රීඩා පුවත්

දෙවැනි එක්දින තරගයේ ජය ලංකාවට

2019 මැයි 22 වැනි බදදා - 9  

සත්කාරක ස්කොට්ලන්ත කණ්ඩායම ඩක්වර්ත් ලුවිස් න්‍යායයට අනුව ලකුණු 35කින් පරාජයට පත්කරමින් දෙරට අතර පැවැති දෙවැනි ඒක්දින තරගය ජයගත් ශ්‍රි ලංකා කණ්ඩායමට තරග දෙකකින් සමන්විත වූ ඒක්දින තරගාවලිය 1-0ක් ලෙස ජයගැනීමට සමත්විය. තරගාවලියේ පළමු තරගය වර්ෂාව නිසා අත්හැර දැමීමට සිදුවිය.

කාසියේ වාසිය දිනාගත් ස්කොට්ලන්ත කණ්ඩායමේ ඇරයුමෙන් මුලින්ම පන්දුවට පහරදුන් ශ්‍රී ලංකා කණ්ඩායම නියමිත පන්දුවාර 50 තුළදී කඩුලු 8 ලකුණු 322ක් රැස්කිරීමට සමත්විය. ආරම්භක පිතිකරුවන් ලෙස පිටියට පිවිසි දිමුත් කරුණාරත්න (77) හා අවිශ්ක ප්‍රනාන්දු (74) පළමු කඩුල්ලට සාර්ථක ලකුණු 123ක සබඳතාවක් පැවැත්වීමට සමත්වූහ.

අසිත දැවි යාමෙන් පසුව දිමුත් සමග ඒක්වූ කුසල් මෙන්ඩිස් (66) ලකුණු 81ක සබඳතාවක් පැවැත්වීමට සමත්විය. ඉන් අනතුරුව පිතිකරණ ලැයිස්තුවේ උසස්වීමක් ලබමින් තිසර පෙරේරා සිවුවැනි ක්‍රීඩකයා ලෙස පන්දුවට පහරදීමට පැමිණියත් ඔහු ලකුණු නොලබා පිටියෙන් ඉවත්විය. පසුව පිටියට පැමිණි ඇන්ජලෝ මැතිව්ස්ටද රැස්කළ හැකිවූයේ ඒක් ලකුණක් පමණි.

කෙසේ වෙතත් කුසල් හා ළහිරු තිරිමාන්න (44*) නැවතත් ශ්‍රී ලංකා ඉනිම ගොඩගන්න්නට විය. තරගයට වර්ෂාවෙන් බාධා ඇති වූ හෙයින් ස්කොට්ලන්ත කණ්ඩායමට පන්දුවාර 34කදී ලකුණු 235ක ඉලක්කයක් හිමිවිය. කෙසේ වෙතත් ඔවුන්ට පන්දුවාර 33.2කදී සියලු දෙනා දැවී රැස්කළ හැකිවූයේ ලකුණු 199ක් පමණි.  ණුවන් ප්‍රදීප් පන්දුවාර 7කදී ලකුණු 34ට කඩුලු 4ක් දවාගනිමින තරගයේ වීරයා ලෙස සම්මාන ලැබීය.

මෙම තරගය ඒක්දින නායකයා ලෙසින් දිමුත් ක්‍රීඩා කළ පළමු තරගය වෙයි.

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...