ලොව වටා

ඊශ්‍රායලයෙන් වසර 5000ක් පැරණි නගරයක් හමුවෙයි

2019 ඔක්තෝබර් 07 වැනි සඳුදා - 25  

ඊශ්‍රායලයේ ‘හරිෂ්‘ නම් නගරය ආසන්නයේ තිබී අදින් වසර 5,000 කට පමණ පෙර ජනතාව වාසය කළ ඉපැරණි නගරයක නටඹුන් සොයා ගැනීමට හැකි වුණු බව එරට පුරාවස්තු අධිකාරියේ නිලධාරීන් පසුගියදා අනාවරණය කළේය. ඒ අනුව මෙය ලෝකඩ යුගය සම්බන්ධයෙන් ඊශ්‍රායලය තුළදී එතෙක් මෙතෙක් සිදු කෙරුණු වඩාත් විශාලතම සොයා ගැනීම් අතරින් එකක් ලෙසටද එරට පුරාවිද්‍යාඥයන් හඳුන්වාදී සිටියි.

ඊශ්‍රායලයේ ටෙල්අවිව් නගරයට කිලෝමීටර් 50ක් ඈතින් මෙම හරිෂ් නගරය පිහිටා තිබේ. මෙය ඊශ්‍රායලය විසින් මෑතකදී නම් කරන ලද නගරයකි. එහි අධිවේගී මාර්ගයක් ඉදිකිරීමේ ව්‍යාපෘතියක් සඳහා සිදුකළ කැණීමකදී මෙම ඉපැරණි නගරයේ නටඹුන් සොයා ගැනීමට හැකියාව ලැබී තිබේ. මෙය ඉතා හොඳින් සැලසුම් කළ ජනාකීර්ණ තත්ත්වයේ පැවැති නගරයක් බව මූලික අධ්‍යයන මගින් හෙළි වී තිබේ.

පුරාවිද්‍යාඥයන් විශ්වාස කරන ආකාරයට මුල්කාලීන ලෝකඩ යුගයේ ජනාවාසයක්ව පැවැති මෙම නගරය තුළ ආසන්න වශයෙන් 6,000ක ජනතාවක් වාසය කර ඇත. මෙම නගරය හෙක්ටයාර 65ක භූමි ප්‍රමාණයක් පුරා ව්‍යාප්තව තිබී ඇති බවත් මෙහිදී අනාවරණය කර ගෙන තිබේ. එම ජනතාව භාවිතා කළ මැටි භාණ්ඩ ඇතුළු උපාංග රැසක්ද සොයා ගෙන ඇතැයි ඊශ්‍රායල පුරාවස්තු අධිකාරිය පවසයි. ඒ අනුව මෙම නගරය ‘මුල්කාලීන ලෝකඩ යුගයේ නිව්යෝක් නුවර‘ ලෙසින්ද හැඳින්විය හැකි බව ඊශ්‍රායල පුරාවිද්‍යාඥයන්ගේ අදහස වී තිබේ.

“දැනට ඉතිරිව පවතින නිවාස ගොඩනැගිලි, ඒවායේ ඇති එකිනෙකට වෙනස් පහසුකම් සහ මහජන ගොඩනැගිලි මගින් වඩාත් සංවිධානාත්මකව පැවැති මෙම සමාජයේ එකල තිබූ සමාජ ස්ථරයන් පිළිබඳව මනා පැහැදිලි කිරීමක් ලබා දෙනවා.“ පුරාවිද්‍යාඥයන් වැඩි දුරටත් පවසා සිටියි.

 

 

භානුක

දින පොත
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019               සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...
  • ළමා නිර්මාණ කියවන්න Read more...