පරිසරය

කන්න හැකි තිරිඟු පිඟන්

2019 දෙසැම්බර් 02 වැනි සඳුදා - 35  

දකුණු අප්‍රිකාවේ මන්ච් බෝල්ස් නම් පිඟන් නිපදවන සමාගමක් ප්ලාස්ටික් භාවිතයෙන් වන පරිසර දූෂණය වැළැක්වීමට, ප්ලාස්ටික් පිඟන් වෙනුවට ආහාරගැනීම සඳහා තිරිඟුවලින් නිපදවූ පිඟන් විශේෂයක් හඳුන්වා දී තිබේ. ආහාර ගෙන අවසානයේ පිඟානද කෑ හැකි ලෙසින් මෙය සකසා තිබීම විශේෂයකි. පිඟානක උණු සූපයක් පැය 5ක කාලයක් පමණ රඳවා ගැනීමට හැකි බව පැවසේ.

දකුණු අප්‍රිකාවේ පැළෑටි, ස්වාභාවික කල්තබාගැනීමේ ද්‍රව්‍ය සහ තිරිඟු යොදාගනිමින් මෙය නිපදවා ඇත. සාමාන්‍ය රස සහිත පිඟන් සහ පැණි රස සහිත පිඟන් ලෙස මෙය වර්ග දෙකකින් මිලදී ගත හැක. උත්සව අවස්ථා, චාරිකා වැනි අවස්ථාවලදී භාවිත කළ හැකි බව ඔවුහු කියති. මෙම පිඟන් දකුණු අප්‍රිකාව, බෙල්ජියම, සිංගප්පූරුව සහ ඩුබායිහි පිහිටි හෝටල්, අවන්හල්, නිෂ්පාදන ආයතන සඳහා අලෙවි කර ඇති බවද පැවසේ.

මෙම පිඟන් පළමුව හස්ත කර්මාන්තයක් ලෙස නිපදවා ඇති අතර, පැයකට පිඟන් 500ක ප්‍රමාණයක් සැකසිය හැකි යන්ත්‍රයකින් මේවනවිට ඒවා නිපදවනු ලබයි. තිරිඟු පිඟන් හේතුවෙන් කම්හල්වලින් ඉවතලන කසළ ප්‍රමාණය අඩුවන බවද, නැවත භාවිතය සඳහා පිඟන් පිරිසිදු කරමින් කාලය ගතකිරීමට අවශ්‍ය නොවන බවද ඔවුහු කියති.

ලබන වසර අවසානය වනවිට හැඳි, කෝපි කෝප්ප ආදියද මෙලෙසින්ම නිපදවීමට ඔවුහු සැලසුම් කරමින් සිටිති.

(සී එන් එන් ඇසුරිනි)

ඩිල්ෂානි චතුරිකා දාබරේ

දින පොත
  • තෙත් බිම් සිතුවම් තරගයට සිතුවම් භාර ගැනේ ලෝක තෙත්බිම් දිනය නිමිත්තෙන් මධ්‍යම පරිසර අධිකාරිය, වනජිවී සංරක්ෂණ දෙපාර්තමේන්තුව හා අධ්‍යාපන අමාත්‍යංශය ඒකාබද්ධව විජය පුවත්පත් සමාගමේ මාධ්‍ය අනුග්‍රහයෙන් පවත්වනු ලබන දීප ව්‍යාප්ත චිත්‍ර තරඟාවලියට නිර්මාණ බාර ගැනේ Read more...
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 -----------------තරගය අවසන්--------------------------- පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019                         තරගය අවසන් සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...
  • විදුලි අනතුරු වළකිමු සුමිතුරු සැමරුම් දින හා ත්‍යාග ප්‍රදානයදා... මහජන උපයෝගීතා කොමිෂන් සභාව විසින් විදුලි ආරක්ෂක දිනය වෙනුවෙන් සංවිධානය කරනු ලබන විදුලි අනතුරුවලින් වලකිමු සමරුම් දින උළෙල හා  විජය ළමා පුවත්පත එක්ව සංවිධානය කළ ‘‘විදුලි අනතුරුවලින් වලකිමු 2018’’ තරගයේ සමස්ත ලංකා පොස්ටර් චිත්‍ර, විඩියෝ සහ රචනා තරගවල ත්‍යාග හා සහතිකපත්‍ර ප්‍රදානය  (08) දා කොළඹ බණ්ඩාරනායක අනුස්මරණ සම්මන්ත්‍රණ ශාලාවේ ලෝටස් ශාලාවේ දී මහජන උපයෝගීතා කොමිෂන් සභාවේ සභාපති නීතිඥ සාලිය මැතිව්, අධ්‍යක්ෂ ජනරාල් දමිත කුමාරසිංහ මහත්වරුන්ගේ ප්‍රධානත්වයෙන් පැවැත්විණි Read more...