ලොව වටා

ඉන්දුනීසියාවේ වන වදුලක පිපුණු ලෝකයේ ලොකුම ‘රාස්ස මල’

2020 ජනවාරි 14 වැනි අඟහරුවාදා - 221  

ලොව විශාලතම මල ලෙස සැලකෙන රෆ්ලේෂියා මල ඉන්දුනීසියාවේ, බටහිර සුමාත්‍රා දූපත්වල පිහිටි වනාන්තරයකින් හමු වී තිබේ. විද්‍යාඥයින් පවසන්නේ මෙම මලේ විෂ්කම්භය අඩි 4ක් පමණ වන බවයි. 2017 වසරේදී ද ඉන්දුනීසියාවේ එම ප්‍රදේශයෙන්ම රෆ්ලේෂියා මලක් පිපී තිබී හමුවූ අතර, එය ලෝකයේ විශාලතම රෆ්ලේෂියා මල ලෙස වාර්තා විය. නමුත් මේ වසරේදී පිපුණු මල ඊට වඩා අඟල් 4ක් පළල්ය. මෙම ශාකයට මුල් හෝ පත්‍ර නැත. එය පරපෝෂිත ශාකයකි. ආගන්තුක ශාකයක් ඇසුරෙහි වර්ධනය වන එය, එම ශාකයේ ජලය සහ පෝෂක කොටස් උරා වැඩෙයි. එවැනි ශාකයක් ඇති බව පිටත ලෝකයට පෙනෙන්නේ එහි මල් පිපුණු විටදීය.

මෙම රෆ්ලේෂියා මලෙහි සුගන්ධය එතරම් ප්‍රියජනක එකක් නොවේ. එය පිළුණු වූ මස් කැබැල්ලක ගඳ වහනය කරයි. එම නිසා මිනිස්සු එයට ‘මිනී මල’ කියාද වහරති. ඇතැමෙක් ‘රාස්ස මල’ යනුවෙන්ද නම්කරති.  මෙම ගන්ධය මිනිසුන්ට අප්‍රියජනක වුවත්, කෘමීහු ඒ වෙත ඇඳී එති. රෆ්ලේෂියා මල කෙතරම් විශාල වුවද, එහි ආයුකාලය ඉතා කෙටි වේ. මල පිපී සතියක පසු පරවී යයි. ඊට ප්‍රථම මලෙහි විවරය පුළුල් වෙයි.

[caption id="attachment_51447" align="alignnone" width="780"]WEST SUMATRA, Jan. 1, 2020-- An official measures a rafflesia flower at Maninjau Forest Conservation in Agam region, West Sumatra, Indonesia, Dec. 31, 2019. (Photo by Ardi Mardiansyah/Xinhua via Getty)[/caption]

(සී එන් එන් ඇසුරිනි)

ඩිල්ෂානි චතුරිකා දාබරේ

දින පොත
  • සංවර්ධනය සහ පරිසර සංරක්ෂණය එකට ගමන් කළයුතුයි - ජනපති රටේ සහ මතු පරපුරේ අනාගත සුබ සිද්ධිය වෙනුවෙන් සංවර්ධනයත්, පරිසර සංරක්ෂණයත් සමබරව ඉදිරියට ගෙන යා යුතු බව ජනාධිපති ගෝඨාභය රාජපක්ෂ මහතා පැවැසීය Read more...
  • තෙත් බිම් සිතුවම් තරගයට සිතුවම් භාර ගැනේ ලෝක තෙත්බිම් දිනය නිමිත්තෙන් මධ්‍යම පරිසර අධිකාරිය, වනජිවී සංරක්ෂණ දෙපාර්තමේන්තුව හා අධ්‍යාපන අමාත්‍යංශය ඒකාබද්ධව විජය පුවත්පත් සමාගමේ මාධ්‍ය අනුග්‍රහයෙන් පවත්වනු ලබන දීප ව්‍යාප්ත චිත්‍ර තරඟාවලියට නිර්මාණ බාර ගැනේ Read more...
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 -----------------තරගය අවසන්--------------------------- පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019                         තරගය අවසන් සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...