පුවත්

පළඟැටියෝ සෝමාලියාවත් කෙන්යාවත් ගිල ගනිති

2020 පෙබරවාරි 04 වැනි අඟහරුවාදා - 144  

නැගෙනහිර අප්‍රිකාවේ සෝමාලියාව සහ කෙන්යාවට පළගැටියන් විශාල වශයෙන් පැතිරගොස් ඇත. මේ හේතුවෙන් සෝමාලියානු රජය ජාතික හදිසි තත්වයක් ප්‍රකාශ කර ඇත. එරටේ ආහාර සුරක්ෂිතබවට මෙම පළගැටි උවදුර බලවත් තර්ජනයක් වී ඇතැයි සෝමාලියානු කෘෂිකර්ම අමාත්‍යංශය නිවේදනය කළේය. “මේ පළගැටි උවදුර නිසා මිනිස්සුන්ට ආහාර ලබාගැනීමේ අවශ්‍යතාව පත්වෙලා තියෙන්නේ අනතුරුදායක මට්ටමකටයි. මේ පළගැටියන් කාන්තාර ආශ්‍රිතව ඉන්න අය. උන් විශාලයි. ඒවගේම අස්වැන්න විශාල වශයෙන් හානි කරනවා ” යැයිද එම නිවේදනයේ සඳහන් කර තිබිණි. අප්‍රේල් මාසයේදී අස්වනු නෙළීමට පෙර පළගැටි උවදුරින් සෝමාලියාව ගලවාගැනීම සඳහා අවධානය යොමුකරන බවද ඔවුන් සඳහන් කර ඇත.

නැගෙනහිර අප්‍රිකාවේ  ප්‍රාදේශීය ආහාර සුරක්ෂිත සංවිධාන පවසන්නේ මේ වනවිටත් මිලියන 19කට අධික පිරිසක් ආහාර අහේනියකින් පීඩා විඳීම හේතුවෙන් පළගැටි උවදුරින් ඔවුන් තවදුරටත් අසරණ වන බවයි. වසර 25කින් පසු සිදු වූ නරකම සිදුවීම මෙය බව ආහාර සහ කෘෂිකර්ම සංවිධානය පවසයි. 1900 දශකයේ අවස්ථා 6කදී පළගැටි උවදුරු වාර්තා වූ අතර, අවසාන වශයෙන් එය 2003-05 වසර වලදී වාර්තා විය.

(අල්ජසීරා ඇසුරිනි)

ඩිල්ෂානි චතුරිකා දාබරේ

[caption id="attachment_52271" align="alignnone" width="750"]Swarms of desert locusts fly up into the air from crops in Katitika village, Kitui county, Kenya Friday, Jan. 24, 2020. Desert locusts have swarmed into Kenya by the hundreds of millions from Somalia and Ethiopia, countries that haven't seen such numbers in a quarter-century, destroying farmland and threatening an already vulnerable region. (AP Photo/Ben Curtis)[/caption]

 

දින පොත
  • සංවර්ධනය සහ පරිසර සංරක්ෂණය එකට ගමන් කළයුතුයි - ජනපති රටේ සහ මතු පරපුරේ අනාගත සුබ සිද්ධිය වෙනුවෙන් සංවර්ධනයත්, පරිසර සංරක්ෂණයත් සමබරව ඉදිරියට ගෙන යා යුතු බව ජනාධිපති ගෝඨාභය රාජපක්ෂ මහතා පැවැසීය Read more...
  • තෙත් බිම් සිතුවම් තරගයට සිතුවම් භාර ගැනේ ලෝක තෙත්බිම් දිනය නිමිත්තෙන් මධ්‍යම පරිසර අධිකාරිය, වනජිවී සංරක්ෂණ දෙපාර්තමේන්තුව හා අධ්‍යාපන අමාත්‍යංශය ඒකාබද්ධව විජය පුවත්පත් සමාගමේ මාධ්‍ය අනුග්‍රහයෙන් පවත්වනු ලබන දීප ව්‍යාප්ත චිත්‍ර තරඟාවලියට නිර්මාණ බාර ගැනේ Read more...
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 -----------------තරගය අවසන්--------------------------- පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019                         තරගය අවසන් සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...