ලොව වටා

‘‘කොරෝනා ගෝලීය අර්බුදයක්වීම වළක්වාගන්න හැකියි‘‘

2020 පෙබරවාරි 06 වැනි බ්‍රහස්පතින්දා - 33  

මාරාන්තික කොරෝනා වෛරසය පුළුල් ගෝලීය අර්බුදයක් බවට පත්වීම වැළැක්වීමට හැකියාව තිබෙන බව ලෝක සෞඛ්‍ය සංවිධානය පවසයි.

මේ සම්බන්ධව අදහස් දක්වමින් එහි අධ්‍යක්ෂ ජනරාල් ට්‍රෙඩොස් අද්නාම් ග්‍රෙබෙයිසස් පැවසුවේ වෛරසයේ කේන්ද්‍රය වන වුහාන්හි දී එය මැඩපැවැත්වීමට ගත් පියවර එය ලොව පුරා පැතිරීම වැළැක්වීමට යොදාගත හැකි හොඳ ක්‍රමයක් බවයි.

වෛරසය පැතිරීමේ නවතම තත්ත්වය සම්බන්ධව ජිනීවා නුවර පැවති සාකච්ඡාවකට එක්වෙමින් ට්‍රෙඩොස් මහතා මේ බව පවසා තිබේ.

වුහාන් හි මිලියන ගණනක ජනතාවක් හුදකලා කරමින් දැඩි ප්‍රවාහන සීමාවන් පනවමින් චීන බලධාරීන් වෛරසයට ප්‍රතිචාර දැක්වූ ආකාරයට එහිදී හෙතෙම ප්‍රශංසා කළේය.

"චීන බලධාරීන් කේන්ද්‍රයේදී අනුගමනය කළ ඉහළ හා ප්‍රබල පියවර ලොව පුරා වෛරසය තවදුරටත් පැතිරීම වැළැක්වීමට හා එය පාලනය කිරීමට ප්‍රයෝජනයට ගනිමු" යැයි ට්‍රෙඩොස් මහතා පවසා සිටියේ ය.

සංවර්ධිත රටවල් කිහිපයක් රෝගය සම්බන්ධ දත්ත බෙදා ගැනීමට යොමු නොවීම සම්බන්ධව එහිදී ට්‍රෙඩොස් මහතා සිය අප්‍රසාදය පල කළේය.

වෛරසය පැතිරීම ආරම්භයේදීම එහි බරපතලකම අවතක්සේරු කිරීම සහ සමහර අවස්ථාවල එය රහසිගතව තබා ගැනීම සම්බන්ධව චීන රජයට ද චෝදනා එල්ල විය.

ට්‍රෙඩොස් මහතා පවසන්නේ චීන බලධාරීන් මෙම වරද පසුව නිවැරදි කරගත් බවයි.

කෙසේ වුවද රටවල් සඳහා සංචාරක හා වෙළඳ සීමාවන් නොපනවන ලෙස ට්‍රෙඩොස් මහතා එහිදී ඉල්ලා ඇත.

(බීබීසී ඇසුරිණි ) ,
ලංකාදීප ඇසුරිනි

දින පොත
  • සංවර්ධනය සහ පරිසර සංරක්ෂණය එකට ගමන් කළයුතුයි - ජනපති රටේ සහ මතු පරපුරේ අනාගත සුබ සිද්ධිය වෙනුවෙන් සංවර්ධනයත්, පරිසර සංරක්ෂණයත් සමබරව ඉදිරියට ගෙන යා යුතු බව ජනාධිපති ගෝඨාභය රාජපක්ෂ මහතා පැවැසීය Read more...
  • තෙත් බිම් සිතුවම් තරගයට සිතුවම් භාර ගැනේ ලෝක තෙත්බිම් දිනය නිමිත්තෙන් මධ්‍යම පරිසර අධිකාරිය, වනජිවී සංරක්ෂණ දෙපාර්තමේන්තුව හා අධ්‍යාපන අමාත්‍යංශය ඒකාබද්ධව විජය පුවත්පත් සමාගමේ මාධ්‍ය අනුග්‍රහයෙන් පවත්වනු ලබන දීප ව්‍යාප්ත චිත්‍ර තරඟාවලියට නිර්මාණ බාර ගැනේ Read more...
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 -----------------තරගය අවසන්--------------------------- පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019                         තරගය අවසන් සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...