ක්‍රීඩා පුවත්

’නිපන්දු’ තාක්‍ෂණය කාන්තා ලෝක කුසලානයටත්

2020 පෙබරවාරි 12 වැනි බදදා - 11  

ඔස්ට්‍රේලියාවේදී පැවැත්වෙන කාන්තා විස්සයි20 ලෝක කුසලාන ක්‍රිකට් තරගාවලියේදී ඉදිරිපාදයේ නිපන්දු නිරීක්‍ෂණය කිරීම සඳහා තෙවැනි විනිසුරුට අවස්ථාව ලබාදීමට අයි.සී.සී.ය තීරණය කර ඇත.

අන්තර්ජාතික ක්‍රිකට් කවුන්සිලය (අයි.සී.සී.) විසින් ප්‍රධාන පෙළේ තරගාවලියකට මෙම තාක්‍ෂණය යොදාගන්නා පළමු අවස්ථාව මෙය වෙයි.

ඉදිරිපාදයේ නිපන්දු සඳහා තෙවැනි විනිසුරුගේ සහාය ලබාගැනීමේ මෙම ක්‍රමය මේ වනවිටත් ජාත්‍යන්තර ක්‍රිකට් තරග සඳහා අත්හදා බලා ඇති අතර, එහි ඇති සාර්ථකත්වය හේතුවෙන් අයි.සී.සී.ය එළඹෙන කාන්තා විස්සයි20 ලෝක කුසලානයට එම අවස්ථාව යොදාගැනීමට තීරණය කර ඇත.

ඒ අනුව කාන්තා විස්සයි20 ලෝක කුසලාන තරගාවලියේදී පන්දු යවන්නියන් යොමුකරන සෑම පන්දුවක්ව තෙවැනි විනිසුරුගේ අධීක්‍ෂණයට ලක්වනු ඇත. මෙමගින් පිටියේ විනිසුරුට නිපන්දු බවට නිවැරදිව හඳුනාගත නොහැකි අවස්ථාවන්හිදී තෙවැනි විනිසුරුගෙන් විශේෂ විමසීමක් කිරීම අවශ්‍ය නොවන අතර, අදාළ මොහොතේදීම එම පන්දුවේ නිවැරදි බව තෙවැනි විනිසුරු දැනුම්දෙනු ඇත.කෙසේ නමුත් ඉදිරිපාදයේ නොවන අනෙකුත් සෑම නිපන්දුවක්ම සටහන් කිරීමේ වගකීම පිටියේ විනිසුරුට හිමිවේ.

මෙම නිපන්දු තෙවැනි විනිසුරුගෙන් අත්හදා බැලීම පළමුවරට සිදුවූයේ පසුගිය දෙසැම්බර් මස ඉන්දු - බ.ඉ. කොදෙව් තරගාවලියේදීය. අයි.සී.සී. වාර්තා අනුව එම තරගාවලියේ සිට මේ දක්වා නිපන්දු නිරීක්‍ෂණය, අත්හදා බැලීම තරග 12කදී යොදාගෙන ඇති අතර, එහිදී පන්දු 4,717ක් අධීක්‍ෂණය කර ඇත.

07 වැනි වරට පැවැත්වෙන අයි.සී.සී. විස්සයි20 කාන්තා ලෝක කුසලාන තරගාවලිය ශ්‍රී ලංකාව ඇතුළු රටවල් 10ක සහභාගිත්වයෙන් මේ මස 21 වැනිදා ඔස්ට්‍රේලියාවේදී ආරම්භවේ.

දින පොත
  • සංවර්ධනය සහ පරිසර සංරක්ෂණය එකට ගමන් කළයුතුයි - ජනපති රටේ සහ මතු පරපුරේ අනාගත සුබ සිද්ධිය වෙනුවෙන් සංවර්ධනයත්, පරිසර සංරක්ෂණයත් සමබරව ඉදිරියට ගෙන යා යුතු බව ජනාධිපති ගෝඨාභය රාජපක්ෂ මහතා පැවැසීය Read more...
  • තෙත් බිම් සිතුවම් තරගයට සිතුවම් භාර ගැනේ ලෝක තෙත්බිම් දිනය නිමිත්තෙන් මධ්‍යම පරිසර අධිකාරිය, වනජිවී සංරක්ෂණ දෙපාර්තමේන්තුව හා අධ්‍යාපන අමාත්‍යංශය ඒකාබද්ධව විජය පුවත්පත් සමාගමේ මාධ්‍ය අනුග්‍රහයෙන් පවත්වනු ලබන දීප ව්‍යාප්ත චිත්‍ර තරඟාවලියට නිර්මාණ බාර ගැනේ Read more...
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 -----------------තරගය අවසන්--------------------------- පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019                         තරගය අවසන් සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...