ලොව වටා

ලෝකයේ දුර්ලභ රෝස පැහැ මඩුවා නැවත හමුවේ

2020 පෙබරවාරි 25 වැනි අඟහරුවාදා - 625  

මහා බාධක කොරල් පරය අසළ

ලෝකයේ විශාලතම ස්වාභාවික කොරල්පරය ලෙස සැලකෙන ඕස්ට්‍රේලියාවේ මහාබාධක කොරල් පරය අසළ සාගරයේ, ලේඩි එලියට් දූපතට නුදුරුව කිමිදෙමින් සිටි ක්‍රිස්ටියන් ලේන් නම් ඡායාරූප ශිල්පිනියට අපූරු දර්ශනයක් දැකගැනීමට ලැබී තිබේ.

ලොව වෙසෙන එකම රෝස පැහැති ඉතා දුර්ලභ මඩු මත්සයා ඡායාරූපගත කිරීමට ඇයට හැකිවිය.

“මම රෝස මඩුවෙක් ගැන ජීවිතේට අහලා තිබුණේ නැහැ. ඔහු දැකපු අවස්ථාවේ හිතුවේ මගේ කැමරාවේ දෝෂයක් වෙන්නැති කියලයි. එදා රාත්‍රියේ මම දැක්කා රෝස මඩුවෙකුගේ පින්තූරයක් මම හිටපු අවන්හලේ දැන්වීම් පුවරුවක තිබෙනවා. මම හිතුවේ ඒක විහිලුවක් කියලයි. එය දුටු හැටියේ මම දුවලා ගිහින් මගේ කැමරාවෙන් ගත්තා ඡායාරූප නැවත පරීක්ෂා කළා” යැයි ලේන් පැවසුවාය.

 පළමුව හොයාගත්තේ අවුරුදු 5කට පෙර

මේ රෝස පැහැති මඩුවා පළමුව සොයාගන්නා ලද්දේ, මීට වසර 5කට පමණ පෙරදීය. රයන් ජෙෆී නමැති කිමිදුම්කරු මත්ස්‍යා ඡායාරූප ගතකළේය. මේ වනවිට රෝස මඩුවාව දැක ඇත්තේ අවස්ථා 10කදී පමණක් බව වාර්තා වේ.

Pink Panther

අඩි 11ක් පමණ දිගැති මේ මඩුවා, සුප්‍රකට කාටූනයක් වන රහස් පරීක්ෂක රෝස දිවියා හඳුන්වන  Pink Panther නමින් නම්කර ඇත.අලංකාරවත් රෝස පැහැ සමක් සහිත මේ මඩුවාගේ සිරුරේ සුදු පැහැ උපන් ලපයක් ද වෙයි.

රෝස පැහැයට හේතුව

මේ සුන්දර රෝස පැහැය ඇතිවීමට හේතුව සොයාගැනීම සඳහා මඩුවාගෙන් 2016දී කුඩා පටක කොටසක් ලබාගත්හ. වෙනස් ආහාර රටාවක් හෝ අසනීප තත්වයක් හේතුවෙන් රෝස පැහැයක් ගන්නට ඇතැයි විද්‍යාඥයෝ පවසති. ඔවුහු තවමත් පරීක්ෂණ කරමින් සිටිති.

 (​ඇසුරිනි)

ඩිල්ෂානි චතුරිකා දාබරේ

Credit: Kristian Laine/ Magnus News

දින පොත
  • සංවර්ධනය සහ පරිසර සංරක්ෂණය එකට ගමන් කළයුතුයි - ජනපති රටේ සහ මතු පරපුරේ අනාගත සුබ සිද්ධිය වෙනුවෙන් සංවර්ධනයත්, පරිසර සංරක්ෂණයත් සමබරව ඉදිරියට ගෙන යා යුතු බව ජනාධිපති ගෝඨාභය රාජපක්ෂ මහතා පැවැසීය Read more...
  • තෙත් බිම් සිතුවම් තරගයට සිතුවම් භාර ගැනේ ලෝක තෙත්බිම් දිනය නිමිත්තෙන් මධ්‍යම පරිසර අධිකාරිය, වනජිවී සංරක්ෂණ දෙපාර්තමේන්තුව හා අධ්‍යාපන අමාත්‍යංශය ඒකාබද්ධව විජය පුවත්පත් සමාගමේ මාධ්‍ය අනුග්‍රහයෙන් පවත්වනු ලබන දීප ව්‍යාප්ත චිත්‍ර තරඟාවලියට නිර්මාණ බාර ගැනේ Read more...
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 -----------------තරගය අවසන්--------------------------- පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019                         තරගය අවසන් සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...