පුවත්

චීන ජනපති ආර්යාවගේ පිළිතුරු ලිපිය දේවි බාලිකා සිසුවියන්ට භාර දෙයි

2020 මාර්තු 10 වැනි අඟහරුවාදා - 86  

කොවිඩ් 19 ආසාදනයෙන් බැට කෑ චීනයට සහාය දක්වමින් චීන ජනපති ආර්යා පෙංග් ලියුආන් මහත්මිය වෙත කොළඹ දේවි බාළිකා විදුහලේ සිසුවියන් පිරිසක් යොමුකළ ලිපියට හා චිත්‍ර සඳහා ඇයගේ පිළිතුරු ලිපිය චීන තානාපති කාර්යාලයේ සබඳතා ප්‍රධානී හු වෙයි මහතා විසින් දේවි බාළිකා විදුහලේ සිසුවියන් වෙත භාර දුන්නේය.

චීන ජනාධිපති ෂී ජින් පිං සහ ජනාධිපති ආර්යාවගේ අවංක ඇගයීම් හා සුබ පැතුම් පණිවුඩය මෙහිදි හූ වෙයි මහතා විසින් විදුහලේ සිසුන්ට ඉදිරිපත් කළ බව චීන තානාපති කාර්යාලය නිවේදනයක් නිකුත් කළේය.

“ඔබේ හද උණුසුම් කරන ලිපි සහ සිතුවම් ශ්‍රී ලාංකික ජනතාවගේ ගැඹුරු මිත්‍රත්වය නියෝජනය කරනවා. ජනාධිපති ආර්යා ලිපියේ සඳහන් කර ඇති ආකාරයටම, ඔබ සෑම මිනිත්තුවකම දැඩි ලෙස මහන්සි අධ්‍යයනය කර ඔබ චීන-ශ්‍රී ලංකා මිත්‍රත්වයේ තරුණ නියෝජිතයන් බවට පත්වනු ඇතැයි අපි විශ්වාස කරනවා”

සිසුන්ගේ ලිපියට හා චිත්‍ර සඳහා කෙටි කාලයක් තුළ චීනජනාධිපති ආර්යාව පිළිතුරු ලබාදීමෙන්ම ඒ පසුපස ඇති අවංක හැඟීම පෙන්වන බව මේ පිළිබඳව අදහස් දැක්වූ සමරසිංහ මහත්මිය පැවැසීය.

13 ජයනි නවෝඩා සිසුවිය (චීන නම ම ෂැං ලී) මෙහිදී දක්ෂ ලෙස මැන්ඩරින් භාෂාවෙන් කතා කරමින්, “චීනය ලංකාවේ හොඳ මිතුරෙක් බව මම කුඩා කාලයේ සිටම දන්නවා.මම වසර දෙකක් චීන භාෂාව ඉගෙන ගත්තා. මම බීජිං, යුනාන් සහ චීනයේ වෙනත් ස්ථානවලට ගොස් තිබෙනවා. චීනයේ COVID-19 වෛරසය ගැන දැනගත් පසු, අපි කනස්සල්ලට පත්වුණා. ඒ නිසා අපි චීනයේ ජනාධිපති ආර්යාවට ලිපියක් හා සිතුවම් යවා චීන ජනතාවට අපගේ සහයෝගය පෙන්වූවා.

චීන ජනාධිපති ෂී ජින් පිංගේ සුබ පැතුම්ද සමගින් අපි ඉතාමත් ඉක්මනින් පිළිතුරු ලිපියක් බලාපොරොත්තු වුණේ නෑ. මම ඉගෙන ගෙන විදේශ සේවයට බැඳී ශ්‍රී ලංකා-චීන මිත්‍රත්වය ප්‍රවර්ධනය කිරීමට කටයුතු කරනවා. යම් දවසක බීජිං හෝ කොළඹදී ජනාධිපති ආර්යාවට අපේ ජයග්‍රහණය හා ප්‍රගතිය පෙන්වීමට මම ප්‍රාර්ථනා කරමි.”

දින පොත
  • සංවර්ධනය සහ පරිසර සංරක්ෂණය එකට ගමන් කළයුතුයි - ජනපති රටේ සහ මතු පරපුරේ අනාගත සුබ සිද්ධිය වෙනුවෙන් සංවර්ධනයත්, පරිසර සංරක්ෂණයත් සමබරව ඉදිරියට ගෙන යා යුතු බව ජනාධිපති ගෝඨාභය රාජපක්ෂ මහතා පැවැසීය Read more...
  • තෙත් බිම් සිතුවම් තරගයට සිතුවම් භාර ගැනේ ලෝක තෙත්බිම් දිනය නිමිත්තෙන් මධ්‍යම පරිසර අධිකාරිය, වනජිවී සංරක්ෂණ දෙපාර්තමේන්තුව හා අධ්‍යාපන අමාත්‍යංශය ඒකාබද්ධව විජය පුවත්පත් සමාගමේ මාධ්‍ය අනුග්‍රහයෙන් පවත්වනු ලබන දීප ව්‍යාප්ත චිත්‍ර තරඟාවලියට නිර්මාණ බාර ගැනේ Read more...
  • යුනෙස්කෝ මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 අවසන් දිනය - 2019 සැප්තැම්බර් මස 30 දා            මිට්සුබිෂි ආසියානු ළමුන්ගේ චිත්‍ර උත්සවය (Enikki Festa) – 2019 – 2020 ආසියානු ළමුන් නිර්මාණය කරන දින පොත් තුළින් ජාත්‍යන්තර අවබෝධය වර්ධනය කිරීමේ අරමුණු පෙරදැරි කරගෙන ආසියානු ළමුන්ගේ චිත්‍ර උත්සවය මෙවර ද ජපානයේ යුනෙස්කෝ සංගම් සඳහා වූ ජාතික ෆෙඩරේෂනය (NFUAJ), ආසියානු ශාන්තිකර කලාපයේ යුනෙස්කෝ සමාජ සංගම් සඳහා වූ ෆෙඩරේෂනය, මිටිසුබිෂි පොදු කටයුතු කමිටුව සමග එක්ව සංවිධානය කිරීමට තීරණය කර ඇත Read more...
  • PLC හරිත සිතුවම් පොස්ටර් චිත්‍ර තරගය -2019 -----------------තරගය අවසන්--------------------------- පීපල්ස් ලීසිං ෆිනෑන්සල් සමාගම, විජය පුවත්පතේ සහ ජෛව විවිධත්ව සංගමයේ සහයෝගයෙන් පවත්වනු ලබන හරිත සිතුවම් 2019 පොස්ටර් චිත්‍ර තරගය සඳහා චිත්‍ර නිර්මාණ මේ දිනවල දී භාර ගනු ලැබේ Read more...
  • හස්ත කර්මාන්ත තරඟය 2019                         තරගය අවසන් සමස්ත ලංකා පාසල් හස්ත කර්මාන්ත තරගය හා ප්‍රදර්ශනය ශ්‍රී ලංකාවේ අස්පර්ශනීය සංස්කෘතික උරැමයෙහි වැදගත් ස්ථානයක් උසුලන හස්ත කර්මාන්ත හා පාරම්පරික ශිල්ප කලා නිර්මාණ ක්ෂේත්‍ර හා සබැඳි දැනුම, ආකල්ප හා කුසලතා අනාගතය සඳහා දායාද කරමින් දේශීයත්වය අගයන ශිෂ්ට සම්පන්න සංස්කෘතික පරිසරයක් තුළ නව අනාගත අභියෝගවලට මුහුණ දීම සඳහා සිසු දරැ පරපුර සූදානම් කරවීමටත්, ඔවුන්ගේ නිර්මාණාත්මක කෞෂල්‍යය ප්‍රවර්ධනය කිරීමටත් ජාතික ශිල්ප සභාව ඒකාබද්ධව සමස්ත ලංකා පාසල් හස්ත කර්මාන්ත තරගය හා ප්‍රදර්ශනය වාර්ෂිකව පවත්වනු ලැබේ Read more...