ලෝකයේ වැඩිම කොරෝනා ආසාදිත මරණ සංඛ්‍යාවක් වාර්තා වන රට වන ඉතාලයෙන් ධනාත්මක ප්‍රවෘත්ති කිහිපයක් පැමිණ තිබේ.

ඉතාලියේ සිවිල් ආරක්ෂණ ප්‍රධානී ඉරිදා රැස්වීමේදී කියා සිටියේ ගතවූ පැය 24 තුළ පුද්ගලයින් 525 ක් මිය ගොස් ඇති බවයි. එය මාර්තු 19 න් පසු අඩුම දෛනික සංඛ්‍යාව බවද ඔහු පැවැසීය.

රෝහලේ සිටින පුද්ගලයින්ගේ සංඛ්‍යාව මෙන්ම දැඩි සත්කාර අවශ්‍ය රෝගීන් සංඛ්‍යාවද අඩුව තිබේ.

ඉතාලිය තුළ මේ දක්වා පුද්ගලයින් 129,000 කට ආසන්න සංඛ්‍යාවකට කොරෝනා ආසාදනය වී ඇති අතර 15,887 දෙනෙකු මියගොස් තිබේ.