උසස්පෙළ සිසුන්ට ටැබ් පරිගණක ලබන වසරේදී

එළැඹෙන වසරේ මාර්තු අප්‍රේල් මාස වන විට රටේ සියලුම උසස් පෙළ ශිෂ්‍ය ශිෂ්‍යාවන්ට ටැබ් පරිගණක යන්ත්‍ර ලබාදෙන බව අග්‍රාමාත්‍ය රනිල් වික්‍රමසිංහ මහතා  පවසයි.

ඒ හරහා ශිෂ්‍ය ශිෂ්‍යාවන්ට ලෝකයේ දැනුම ලබාගැනීමට හැකි වන බවත් ඉදිරි වසර  3, 4  තළ රටේ ඩිජිටල් ආර්ථිකයක් නිර්මාණය වෙනු ඇති බවත් ඔහු සඳහන් කරයි.

කොළඹ ගාලුමුවදොර පිටියේ නොමිලයේ අන්තර්ජාල පහසුකම් ලබාදෙන වයිෆයි යන්ත්‍රයක් ස්ථාපිත කිරිමේ අවස්ථාවට එක්වෙමින් අග්‍රාමාත්‍යවරයා මේ බව සඳහන් කළේය.

“මේ සඳහා වැඩි වශයෙන් දායකවන්නේ රටේ තරුණ පරම්පරාවයි. ඔවුන්ගේ ජීවිත ලෝකයට එකතු වන්නේත්, ලෝකයේ දැනුම ලබාගන්නේත් මේ හරහායි.  ඔවුන්ට අවශ්‍ය එම මාර්ගය අප සකසා දිය යුතුයි. එය අප ඉදිරියේ ඇති විශාල අභියෝගයක්. මේ රට සංවර්ධනය කිරීමට නම් අප එකට එක්විය යුතුයි.” යැයි ඔහු සඳහන් කළේය.

නිරෝෂා ප්‍රියදර්ශනී