එකම පාසලේ වසර 10කට වඩා වැඩි සේවා කාලයක් සම්පුර්ණ කළ දිවයින පුරා ජාතික පාසල්වල සේවය කරන ගුරුවරුන් 3766 දෙනෙකුගේ ස්ථානමාරු කිරීමට අදාල ලිපි අධ්‍යාපන අමාත්‍යංශය නිකුත් කර තිබේ. මීට පෙරද අවස්ථා දෙකකදී, වසර 10 ඉක්මවු සේවාකාලයක් සම්පුර්ණ කළ  ගුරුවරුන් කණ්ඩායම් දෙකක් ස්ථානමාරු කිරීමට අධ්‍යාපන අමාත්‍යාංශය පියවර ගෙන තිබිණි.
 ආසන්න පාසලක් නොමැතිව ඉතා වැඩි දුරකට මාරුකළ යුතු අවස්ථාවලදී හා අනුප්‍රාප්තිකයකු ලබා දිය නොහැකි අවස්ථාවල දී වසර 10ක සේවාකාලයක් සම්පුර්ණ වී තිබුණ ද එම ගුරුවරුන්ට ස්ථානමාරුවීම් ලබා නොදෙන බව අධ්‍යාපන අමාත්‍යංශය සඳහන් කරයි.