අපොස සාමාන්‍ය පෙළ විභාගය හෙට (6) පැවැත්වීමට අවශ්‍ය සියලු කටයුතු සම්පාදනය කරන ඇති බවත් ඉතිහාසයේ වැඩිම සිසුන් පිරිසක් (ලක්ෂ හතක්) මෙවර විභාගයට පෙනී සිටින බවත් විභාග කොමසාරිස් ජෙනරාල් ඩබ්ලිව්. එන්.එම් .ජේ පුෂ්පකුමාර මහතා ප්‍රකාශ කරයි.

ජංගම දුරකථන, ස්මාට් වොච් ඇතුළු තාක්ෂණික මෙවලම් විභාගය සදහා භාවිත කිරීම සපුරා තහනම් වන අතර යම් අපේෂකයෙක් තාක්ෂණික මෙවලම් භාවිත කළ බව තහවුරු වුවහොත් ඔහු හෝ ඇය පස් වසරක විභාග තහනමකට යටත් කෙරෙන බව ද කොමසාරිස්වරයා අවධාරණය කළේය.

විභාග සම්බන්ධ යම් අක්‍රමිකතාවක් හෝ යම් පැමිණිල්ලක් වේ නම් 0112786200, 0112 784201, 0112785202, 0112784203 දුරකථන අංක වලට හෝ හදිසි අවස්ථා සඳහා 119 දැනුම් දෙන්නැයි ඉල්ලීමක් කරන බව ඒ මහතා කීවේය.