ප්‍රංශ නාවික හමුදාවට අයත් ‘මිස්ට්‍රල්’ සහ ‘කෝබට්’ යන නෞකාව අද (20දා) සුහද සංචාරයක් සඳහා ‍කොළඹ වරායට සේන්දු විය.එහිදී ශ්‍රී ලංකා නාවික හමුදාව විසින් නාවික සම්ප්‍රදායානුකූලව එම නෞකාව පිළිගන්නා ලදී. 

මිස්ට්‍රල් නෞකාව නිලධාරීන් 56 දෙනෙකු ඇතුළුව 431 දෙනෙකුගෙන් යුත් නැව් මුළුවකින් සමන්විත වන අතර, කොබට් නෞකාව නිලධාරීන් 18 දෙනෙකු ඇතුළු 157 දෙනෙකුගෙන් යුත් නැව් මුළුවකින් සමන්විත වේ.    

නෞකාවන් මෙම මස 26 වන දින දක්වා දිවයිනේ රැදී සිටීමට නියමිතව ඇත. එම කාල සීමාව තුළදී ශ්‍රී ලංකා නාවික හමුදාව විසින් සංවිධානය කරනු ලබන වැඩසටහන් රාශියකට සහභාගී වීමට නියමිතව ඇත.

එමෙන්ම වැලිසර නාවික හමුදා ක්‍රීඩා පිටියේදී, ශ්‍රී ලංකා නාවික හමුදා ක්‍රීඩා කණ්ඩායම් සමග සුහද ක්‍රීඩා තරඟ රාශියකට ද නෞකාවන්ගේ නැව් මුළුව සහභාගී වීමට ද නියමිතය.  

නිරෝෂා ප්‍රියදර්ශනී