බස් ප්‍රමුඛතා මංතීරුව පාසල් සිසුන් ප්‍රවාහන රථවලටත් බස් රථ වෙනුවෙන් ප‍්‍රමුඛතා මංතීරු ක‍්‍රියාත්මක කර ඇති මාර්ගවල ගමන් ගන්නා පාසල් සිසුන් ප‍්‍රවාහනය කරන බස්රථ සහ වෑන් රථ සඳහා ද එම මංතීරුව භාවිත කිරීමට අවසර දෙන බව මහානගර හා බස්නාහිර සංවර්ධන අමාත්‍යාංශය පවසයි. ඒ අනුව හෙටින් (6) එළඹෙන නව පාසල් වාරයේ සිට බස් ප‍්‍රමුඛතා මංතීරුව පාසල් සිසුන් ප‍්‍රවාහනය කරන බස්රථ සහ වෑන් රථ සඳහා ද භාවිත කළ හැකි බව අමාත්‍යාංශය සඳහන් කරයි. කොළඹ නගරයේ රථ වාහන තදබදය අවම කිරීමේ අරමුණින් මහානගර හා බස්නාහිර සංවර්ධන අමාත්‍යාංශය මගින් බස් ප‍්‍රමුඛතා මංතීරු ක‍්‍රමවේදය ආරම්භ කළ අතර මේ වන විට එය අධික තදබදයක් පවතින තෝරාගත් මාර්ග කිහිපයක කි‍්‍රයාත්මක වේ.