පාහියන්ගල ලෙන ඉදිරිපිට විශාල නායයෑමේ අවදානමක් නොමැති බව අධ්‍යාපන අමාත්‍යාංශය මාධ්‍ය නිවේදනයක් නිකුත් කරමින් සඳහන් කරයි.

අදාළ සිදුවීම පිළිබඳව ගොඩනැගිලි පර්යේෂණ සංවිධානය නිරීක්ෂණය කර තිබෙන අතර, එහිදී හෙළිවඇත්තේ 2008 වසරේදී එම ප්‍ර‘දේශය සියුම් ඉරිතැලීමකට ලක්ව තිබෙන බවද එම නිවේදනයේ සඳහන් කර තිබේ.

පවතින තත්ත්වය අනුව තවදුරටත් ඇතිවිය හැකි අවදානම වළක්වා ගැනීම සඳහා සියලුම අංශ සමග ඒකාබද්ධව කටයුතු කිරීමට සැලසුම් කර තිබෙන බවත්, මේ හේතුවෙන් සංචාරකයන්ගේ ආරක්ෂාවටදෛනිකව පැමිණෙන සංචාරකයන්ගේ ප්‍රමාණය සීමා කිරීමට අදාළ සිදුවීම සම්බන්ධයෙන් සොයාබැලීමට පත්කළ විද්වත් කමිටු තීරණය කළ බවද අධ්‍යාපන අමාත්‍යාංශය නිකුත් කළ මාධ්‍ය නිවේදනය මගින් පෙන්වා දී තිබේ.

එහෙත් පාහියන්ගල ලෙන නායයෑමේ අවදානමක් නොමැති බවද එම නිවේදනය මගින් වැඩිදුරටත් පෙන්වා දී තිබේ.