'දසිස් සම්මානය' මයුරපාදයේ ගංගොඩවිලට

ජාතික නව නිපැයුම්කරුවන්ගේ දින ප්‍රථම සැමරුම් උත්සවය සහ දේශීය නව නිපැයුම්කරුවන් සදහා ජනාධිපති සම්මාන ප්‍රදානය කිරීමේ උත්සවය ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් කොළඹ නෙළුම්පොකුණ රගහලේ දී පැවැත්විණි.

නව නිපැයුම්කරුවන්ගේ " දසිස් සම්මානයෙන් " පිදුම් ලැබුවේ නාරම්මල මයුරපාද විද්‍යාලයේ ජී.කේ.ඒ.එන් ගංගොඩවිල ශිෂ්‍යයායි.

විශිෂ්ට ගණයේ සිවිල් ඉංජිනේරුවරයකු, නව නිපැයුම්කරුවකු සහ නව නිපැයුම්කරුවන්ගේ කොමිසමේ ප්‍රථම කොමසාරිස්වරයා වූ දේශබන්දු ආචාර්ය ඒ.එන්.එස්. කුලසිංහ මහතාගේ ජන්ම දිනය යෙදෙන ඔක්තෝබර් 26 වෙනිදා ජාතික නව නිපැයුම්කරුවන්ගේ දිනය ලෙස ප්‍රකාශයට පත් කර තිඛෙන අතර ඒ වෙනුවෙන් සමරු මුද්දරයක් සහ මුල්දින කවරයක් නිකුත් කිරීම ද මෙහිදී සිදු කෙරිණි.

ඡායාරූප-ජනාධිපති මාධ්‍ය ඒකකය