ඩෙංගු අවදානම සහිත කලාපවල පාසල් ශිෂ්‍යාවන්ට හා පහළ ශ්‍රේණිවල සිසුන්ට සිරුර ආවරණය වන ලෙස ඇඳුම් ඇඳීමට අවසර  ලබාදීමට අධ්‍යාපන අමාත්‍යාංශය තීරණය කර ඇත.

පාසල් සිසුන් බොහෝ පිරිසක් ඩෙංගු රෝගයට ගොදුරුවීමට හේතුව ශරීරය වැඩි වශයෙන් නිරාවරණය වීම බව අධ්‍යනයකින් හොළිව තිබීමත් සමග මෙයට තාවකාලික විකල්පයක් ලෙස අමාත්‍යාශය මෙම තීරණයට එළඹ ඇත.

ඒ අනුව  පාසල් සිසුවියන්ට ගවුමට අමතරව ශරීරය ආවරණය කරගැනීමට සුදුසු ඇඳුමක් භාවිත කිරීමටත් පහළ ශ්‍රේණිවල පාසල් සිසුන්ට කොට කලිසම් වෙනුවට දිග කලිසම් ඇඳීමටත් අවසර හිමිවෙයි.  ඒ සඳහා චක්‍රලේඛයක් ඉදිරි දින කිහිපය තුළ නිකුත් කිරීමට කටයුතු කරන බවද අධ්‍යාපන අමාත්‍යවරයා සඳහන් කරයි.

නිරෝෂා ප්‍රියදර්ශනී