9 වසරේ අකිල සාපෙළ ලියලා ඒ සාමාර්ථ 9ක් අරගෙන

‍තණමල්විල ජාතික පාසලේ 09 වන ශ්‍රේණියේ ඉගෙනුම ලබන ශිෂ්‍යයෙකු 2022 අපොස සාමාන්‍යපෙළ විභාගයට ඉදිරිපත්වී විෂයයන් නවයටම A සාමාර්ථයන් ලබාගෙන ඇත.

මෙලෙස A සාමාර්ථ නවයක් ලබාගෙන ඇත්තේ තණමල්විල ගඟේයාය පදිංචි ඩබ්ලිව්.ආර්.එම් අකිල ජයලංකා විජේතුංග නැමති ශිෂ්‍යයායි.

අකිලට නියමිත පරිදි සාමාන්‍ය පෙළට ඉදිරිපත්වීමට තිබුණේ 2024 වර්ෂයේදීය. එසේ තිබියදී විදුහල්පතිවරයාගේ අවසරය මත ඔහු 2022 අපොස සාමාන්‍යපෙළ විභාගයට ඉදිරිපත්වී මෙම ජයග්‍රහණය ලබාගෙන තිබේ.

අකිලගේ පියා වන ඩබ්ලිව්.ආර්.එම් සරත් විජේතුංග යුදහමුදා සෙබලෙකු වන අතර මව වන නිලන්තී මංගලිකා සමරසිංහ ගෘහණියකි.ඔහුට වැඩිමහල් සහෝදරයෙක් පමණක් සිටී.

අකිලගේ අනාගත බලාපොරොත්තුව ජීවවිද්‍යා අංශයෙන් උසස්පෙළ හදාරා වෛද්‍යවරයෙකුවී තණමල්විල වැනි දුෂ්කර ප්‍රදේශවල ජීවත්වෙන ජනතාවට සේවයකිරීමයි.

මොනරාගල සුමනසිරි ගුණතිලක