ඇමෙරිකා එක්සත් ජනපදයේ අතිශය උණුසුම් වූ ජනාධිපතිවරණ ඡන්ද විමසීමේ ජයග්‍රාහකයා බවට අවසානයේදී ඩිමොක්‍රැටික් පක්ෂ අපේක්ෂක ජෝ බයිඩන් පත්ව තිබේ.

පෙන්සිලිවේනියා ප්‍රාන්තයත් බයිඩන් වෙත නතුවීමත් සමග සමූහ ඡන්ද 270ක් ඉක්මවා යමින් බයිඩන් ඇමෙරිකා එක්සත් ජනපදයේ 46 වැනි ජනාධිපතිවරයා වශයෙන් තේරීපත් වනු ඇත.

තත්ත්වය මෙසේ වුවද මේ වනවිටත් ඇමෙරිකානු ජනාධිපතිවරයා තෝරා පත්කර ගැනීම සඳහා වන ඡන්ද ගණන් කර අවසන් නොමැති බව විදෙස් මාධ්‍ය අනාවරණය කරයි.

නමුත් තවමත් ඩොනලඩ් ට්‍රම්ප් ඡන්ද සමූහ 214ක් පමණක් හිමිකරගෙන සිටින අතර, ඔහුට කිසිම අයුරකින් ඡන්ද සමූහ 270 ඉලක්කය පසුකිරීමට හැකි වාතාවරණයක් නොමැති බව විදෙස් වාර්තා පවසයි.