ප්‍රතිඵල නිකුත් කර තිබෙන උසස් පෙළ විභාගයේ ප්‍රතිඑල නැවත සමීක්ෂණ අයදුම්පත් හෙට (28දා) සිට 30 වැනි දා දක්වා යොමු කළ හැකි බව විභාග දෙපාර්තමේන්තුව සඳහන් කරයි.

පසුගිය කාලයේදී නැවත සමීක්ෂණ අයදුම්පත් යොමු කිරීමට නොහැකි වූ අයදුම්කරුවන්ගේ ඉල්ලීම් සලකා බලා අදාළ කටයුතු සඳහා නැවත අවස්ථාව ලබාදුන් බවද දෙපාර්තමේන්තුව සඳහන් කරයි.

මේ අනුව  විභාග දෙපාර්තමෙන්තුවේ නිලවෙබ් අඩවිය වන www.doencts.lk වෙත පිවිස මාර්ගගත ක්‍රමයට හෝ විභාග දෙපාර්තමේන්තුවේ නිල ජංගම යෙදුම වන DOE වෙත පිවිස අයදුම්පත් යොමු කළ හැකි බවද සඳහන් කරයි.

දැනටමත් සමීක්ෂණ අයදුම්පත් යොමු කළ අයදුම්කරුවන් නැවත අයදුම්පත් යොමු කිරිමට අවශ්‍ය නොවන බවද දෙපාර්තමේන්තුව පෙන්වා දෙයි.මේ පිළිබඳව වැඩි විස්තර අවශ්‍ය නම් 0113661122 හෝ 0113671568 ඔස්සේ විමසීම් සිදු කළ හැකිය.