ජනපති අනුර කුමාර දිසානායක මහතාගේ මීළඟ විදෙස් සංචාරය වන වියට්නාමයේ තුන් දින නිල සංචාරය හෙට ආරම්භවීමට නියමිතය.

ජනපතිවරයා සමග මෙම සංචාරයට විදේශ අමාත්‍ය විජිත හේරත් මහතා හා රජයේ ඉහළ නිලධාරීන් පිරිසක් එක්වීමට නියමිතව තිබේ.

ජනපතිවරයා එරට රැදී සිටින කාලය තුළදී වියට්නාමයේ ජනාධිපති හා අගමැති ඇතුළු එරට ඉහළ පෙළේ නියෝජිතයන් සමග මෙන්ම ව්‍යාපාරික ප්‍රජාව සමග සාකච්ඡා කිරීමට නියමිතව තිබේ.

මෙම සංචාරයේදී වියට්නායම හා ශ්‍රී ලංකාව අතර අවබෝධතා ගිවිසුම් කිහිපයකට අත්සන් තැබීමට නියමිතය. වියට්නාමයේදී පැවැත්වීමට නියමිත ජාත්‍යන්තර වෙසක් දින උත්සවයේ ප්‍රධාන දේශනයද ජනපතිවරයා මෙම සංචාරයට සමගාමීව සිදු කිරීිමට නියමිතව තිබේ.