පාසල්වලට සිසුන් තෝරා ගැනීමට හා ශිෂ්‍යාධාර ප්‍රදානය කිරීමට 5 ශ්‍රේණියේ සිසුන් සඳහා පැවැත්වෙන විභාගය දිවයින පුරා විභාග මධ්‍යස්ථාන 2849 කදී  මෙම මස 15 ඉරිදා පැවැත්වෙන බව විභාග දෙපාර්තමේන්තුව පවසයි.

එදින පෙරවරු 09.30 සිට 10.45 දක්වා මෙම විභාගයේ  දෙවන ප්‍රශ්න පත්‍රයද  පෙරවරු 11.00 සිට 12.15 දක්වා පළමු ප්‍රශ්න පත්‍රයද පැවැත්වෙන බව විභාග දෙපාර්තමේන්තුව කියයි.

අයදුම්කරුවන්ගේ පැමිණීමේ ලේඛන මේ වන විට පාසල්වල විදුහල්පතිවරුන් වෙත තැපැල් මගින් යවා ඇති බවත් ඒවා ලැබී නැත්නම් විභාග දෙපාර්තමේන්තුවේ www.doenets.lk හා http://onlineexams.gov.lk යන නිල වෙබ් අඩවිවලින් බාගත කර ගත ගැනීමටත්  අයදුම්කරුවන්ගේ තොරතුරු සංශෝධන කිරීම අද (2) සිට මෙම මස 09 දා දක්වා මාර්ගගත ක්‍රමයට සිදුකර ගැනීමට විදුහල්පතිවරුන්ට  හැකි බවත්  විභාග දෙපාර්තමේන්තුව නිවේදනය කරයි.