දන්නෙත් නැතිව සා.පෙ. පැමිණ තිබුණි

හිමකර විත් අඳුරට බැට     දුන්නේය
කවුදෝ පැමිණ ගේ දොරකඩ     සිටියේය
කවුදැයි කියා දොර තෙක් ගොස්     බැලුවේය
දන්නෙත් නැතිව සා.පෙ. පැමිණ     තිබුණේය

කෙසරිඳු දුටු මුවන් සේ මට බිය     දැනිණි
ඔහුට මුහුණ දෙන සැටි මට     නොතේරැණි
නමුදු ඔහුගේ අත්ලේ යමකුදු     තිබිණි
විෂයන් නවය අසමත් බව එහි     තිබිණි

අහස කඩා වැටෙනා සේ මට     දැනුණි
ඇස්  හරවා වටපිට විපරම්     කළෙමි
මා සිටියේ ඇඳ යට බව මට     දැනිණි
නැගිට විගස පොත් මේසය වෙත     යැවිණි

එරංග විශ්ම ප්‍රභාෂ්
11 ශ්‍රේණිය,
මහනුවර ආදර්ශ විද්‍යාලය, මහනුවර.