හිරැ කුමරා කන්ද උඩින් එබී     බලනවා
ඒ කිරණින් මුළු ලෝකෙම එළිය     කරනවා
කුරැල්ලන්ගෙ කිචි බිචි නද  ලොව     පුබුදනවා
නෙළුම් විලේ මල් ඔක්කොම විකසිත     වෙනවා

සුදු කොකුන් පේළි පේළි කෑම     සොයනවා
පීප් හඬින් පාසල් රිය හඬ     නංවනවා
සුදු ඇඳගෙන පාසල වෙත ළමයින්     යනවා
ගිරවු රූන් පේළි සැදී පුහුලන්     කනවා

අපෙ අම්මා උදෑසනින් කෑම     උයනවා
පිනි කැට මුතු කැට වාගේ පොළොවෙ     දිලෙනවා
උදෑසනින් හමන සුළඟ ගත     පුබුදනවා
උදෑසනින් අපි ඔක්කොම වැඩ     අරඹනවා

චමෝද් ඒකනායක
6 ශ්‍රේණිය,
කුලි/ශාන්ත ජෝශප් මහා 
විද්‍යාලය, කුලියාපිටිය.