බීම බටෙන් රොකට් යවමු

පෝතක බාලදක්ෂයින් හට වඩාත් සුදුසු මෙම ක්‍රියාකාරකම සඳහා අවශ්‍ය වන්නේ බීම බටයක් හා ඉවත දමන ප්ලැටිග්නම් එකක් පමණයි. රෑපයේ දැක්වෙන පරිදි බීම බටය ‘“L” හැඩයට නමා පසෙකින් තබන්න. ඉන් පසු ප්ලැටිග්නම් පෑනේ මදය ඉවත් කර රෑපයේ දැක්වෙන පරිදි වර්ණවත් කඩදාසි කැබලි කිහිපයකින් අලංකාර කර ගන්න. 
එයට, රොකට්ටුවක හැඩය ආදේශ කිරීම සඳහා විවිධ හැඩතල කිහිපයක් එක් කිරීමේ නිදහස බාලදක්ෂයා වෙත ලබා දිය යුතු ය.

තරගය ආරම්භ කිරීම
රොකට්ටුව සහ බීම බටය අතැති පෝතක බාලදක්ෂයින් තරග ආරම්භක රේඛාව මත වාර්තා කළ යුතු ය. අකේලා ලබා දෙන නළා සංඥාවෙන් පසු රොකට්ටුව ගුවන්ගත කළ යුතු ය. එහි දී අතැති බීම බටය මුඛයේ රඳවා ගනිමින් එහි කෙළවරේ රොකට්ටුව රුඳවිය යුතු ය. බීම බටයට හුස්ම පිඹීමෙන් අනතුරැව රොකට්ටුව ගුවන් ගත වීම ඇරඹෙයි. වැඩියෙන්ම ඉහළට ගුවන් ගත වන රොකට්ටුව හිමි පෝතක බාලදක්ෂයා තරගයෙන් ජය ගනී.