දිවයිනේ  දකුණු අර්ධයේ, විශේෂයෙන් මධ්‍යම කඳුකරයේ බටහිර බෑවුම් ප්‍රදේශවල සහ දිවයිනට දකුණු හා බටහිර දෙසින් වන මුහුදු ප්‍රදේශවල විටින් විට හමන තද සුළං බලාපොරොත්තු විය හැකි බව කාලගුණ විද්‍යා දෙපාර්තමේන්තුව පවසයි.

පුත්තලම සිට කොළඹ සහ හම්බන්තොට  හරහා පොතුවිල් දක්වා වන ගැඹුරු හා නොගැඹුරු  මුහුදු ප්‍රදේශවල සුළං වේගය විටෙක පැ.කි.මී. 60-70 දක්වා වැඩි වීමට ඉඩ පවතින බැවින් එම මුහුදු ප්‍රදේශ විටින් විට ඉතා රළු විය හැකි බවද කාලගුණ විද්‍යා දෙපාර්තමේන්තුවේ, ස්වාභාවික විපත් පිළිබඳ  පූර්ව අනතුරු ඇඟවීමේ මධ්‍යස්ථානය අනතුරු ඇඟවීම් නිකුත් කරයි. ධීවර සහ නාවික ප්‍රජාව මේ පිළිබඳව විමසිලිවත්ව සිටින්නැයිද කාලගුණ විද්‍යා දෙපාර්තමේන්තුව නිකුත් කළ නිවේදනයේ වැඩිදුරටත් දැක්වෙයි.