මහවැලි සංවර්ධන හා පරිසර අමාත්‍යාංශය මගින් සංවිධාන කරන, Sri Lanka Next - නීල හරිත යුගයක් පාරිසරික සමුළුව හා ප්‍රදර්ශනය ඔක්තෝබර් 17, 18 සහ 19 දිනවල කොළඹ බණ්ඩාරනායක ජාත්‍යන්තර අනුස්මරණ සම්මන්ත්‍රණ ශාලා පරිශ්‍රයේදී පැවැත්වීමට නියමිතය. කැලෑ පරිසර පද්ධති හා ඒ හා සම්බන්ධ වැදගත් සේවා අගය කිරීමට ජනතාව දිරිමත් කිරීමේ අරමුණින් මෙම සම්මන්ත්‍රණය පැවැත්වේ. මෙම ජාත්‍යන්තර වැඩසටහනෙහි ප්‍රතිඵලයක් වශයෙන් ශ්‍රී ලංකා රජය වෙත නිර්දේශ සමූහයක් ඉදිරිපත් කෙරෙනු ඇත.