Education every new parents knows the feeling nothing more than for everyone to get at some sleep.But at least you’ve got Google. start building your first prototype today!

Get in Touch

Address

06 Mymen KR. New York City

Phone

+02596 5874 59857

සාම්ප්‍රදායික වෛද්‍ය විද්‍යාව ගෝලීය සෞඛ්‍ය ආරක්ෂණ පද්ධතිවලට ඇතුළත් කිරීමේ ප්‍රයත්නයන්හිදී තවත් අධ්‍යයනයන් අවශ්‍ය බව ලෝක සෞඛ්‍ය සංවිධානයේ (WHO) අධ්‍යක්ෂ ජනරාල් ටෙඩ්‍රොස් අදානොම් ගෙබ්‍රෙයෙසුස් පවසයි.

ලෝක සෞඛ්‍ය සංවිධානයේ ප්‍රධානියා බදාදා ඉන්දියාවේ පැවති ගෝලීය ආයුෂ් ආයෝජන සහ නවෝත්පාදන සමුළුවේ සමාරම්භක සැසිය අමතමින් මෙම අදහස් ප්‍රකාශ කළේය.

"සෞඛ්‍ය පද්ධතිවල සුදුසු පරිදි, සාම්ප්‍රදායික සහ අනුපූරක වෛද්‍ය විද්‍යාවේ ප්‍රතිලාභ පුළුල් භාවිතයට ගෙන ඒමට උපකාර කිරීම සඳහා සායනික අත්හදා බැලීම් ඇතුළුව තවත් අධ්‍යයනයන් අවශ්‍ය වෙනවා" WHO ප්‍රධානියා පැවසීය.

"WHO විසින් ජාත්‍යන්තර රෝග වර්ගීකරණයේ 11 වැනි සංශෝධනයට සාම්ප්‍රදායික වෛද්‍ය විද්‍යාව ඇතුළත් කිරීම සාම්ප්‍රදායික වෛද්‍ය විද්‍යාව භාවිතය පිළිබඳ විශ්වාසදායක දත්ත තහවුරු කිරීමට උපකාරී වෙනවා. සම්මත සසම්භාවී අත්හදා බැලීම් කළ නොහැකි හෝ භාර ගැනීමට අපහසු අවස්ථාවන්හිදී, සාම්ප්‍රදායික වෛද්‍ය ක්‍රමවල බලපෑම ලේඛනගත කිරීම සඳහා අපි නව්‍ය අධ්‍යයන සැලසුම් සහ ඒ සඳහා කෘත්‍රිම බුද්ධිය භාවිත කිරීම ගවේෂණය කරමින් සිටිනවා." WHO ප්‍රධානියා වැඩිදුරටත් සඳහන් කළේය.

ලෝක සෞඛ්‍ය සංවිධානයට අනුව, ලෝක ජනගහනයෙන් 80%ක් පමණ සාම්ප්‍රදායික වෛද්‍ය විද්‍යාව භාවිත කරන බවට ගණන් බලා ඇත. ඒ අනුව, ලෝක සෞඛ්‍ය සංවිධානයේ සාමාජික රටවල් 194න් 170ක් සාම්ප්‍රදායික වෛද්‍ය විද්‍යාව භාවිත කරන බව වාර්තා කර ඇත.

ලෝක සෞඛ්‍ය සංවිධානය සහ ඉන්දියාව මාර්තු මාසයේදී සාම්ප්‍රදායික වෛද්‍ය විද්‍යාව සඳහා වන ලෝක සෞඛ්‍ය මධ්‍යස්ථානය පිහිටුවීමේ ගිවිසුමකට අත්සන් තැබූ අතර, එය මිනිසුන්ගේ සහ පෘථිවියේ සෞඛ්‍යය වැඩි දියුණු කිරීම සඳහා නවීන විද්‍යාව හා තාක්‍ෂණය තුළින් ලොවපුරා සාම්ප්‍රදායික වෛද්‍ය විද්‍යාවේ විභවයන් උපයෝගී කර ගැනීම අරමුණු කරයි.

"WHO සෞඛ්‍යය ප්‍රවර්ධනය කිරීම සහ රෝග වැළැක්වීම සඳහා උපාය මාර්ග සඳහා විශාල වටිනාකමක් ලබාදෙනවා. එය සම්ප්‍රදායික වෛද්‍ය ක්‍රම විසින්ද අවධාරණය කර තිබෙනවා" වෛද්‍ය ටෙඩ්‍රොස් බදාදා වැඩිදුරටත් පැවසීය.

0 Comments

Leave a Reply

Reply To:

Name - Reply Comment

Save my name, email, and website in this browser for the next time I comment.