දිලාසාල් විද්‍යාලයේ 7 වැනි ශ්‍රේණියේ ඉගෙනුම ලබන ඒ.ඒ.සදෙවු කෞශික පෙරේරා, එච්. උමයන්ග දිශාන් සහ ටී.මෝසස් යන සිසුහු කරාතේ ක්‍රීඩාවෙන් ජයග්‍රහණ රුසක් 
ලබා ගැනීමට සමත්ව සිටිති. ඔවුහු 2016 වසරේ සිට කරාතේ පුහුණුව ලබති. 
2017 – 2018 යන වසරවල ඔවුහු ශ්‍රී ලංකා පාසල් කරාතේ දෝ සම්මේලනය හා ශ්‍රී ලංකා කරාතේ දෝ පදනම යන තරගාවලි වල දිස්ත්‍රික්, පළාත්, සමස්ත ලංකා පළමු පෙළේ ජයග්‍රහණ හිමිකර ගත්හ. වසර 2019 ඉන්දියාවේ බැන්ගලෝර් නගරයේ පැවති සිමාගා (Shimaga) ජාත්‍යන්තර තරගයට සහභාගි වී සදෙවු කෞෂික කාතා ඉසව්වෙන් රන් පදක්කමක් ද, කුමිතේ ඉසව්වෙන් රන් පදක්කමක් ද, ටී.මොසස් කුමිතේ රන් පදක්කමක් ද, කාතා ඉසව්වෙන් ලෝකඩ පදක්කමක් ද, උමයංග දිශාන් කුමිතේ ඉසව්වෙන් රිදී පදක්කමක් ද, කාතා ඉසව්වෙන් ලෝකඩ පදක්කමක් ද දිනාගෙන පාසලට විශාල කීර්තියක් අත්කර දීමට සමත් වුහ.

(චන්දිමා ඈපා සෙනෙවිරත්න)