අම්බලන්ගොඩ ධර්මාශෝක විද්‍යාලයේ ඉගෙනුම ලබන කේ. කේ. රිද්මා නිශාදි 2017 දකුණු පළාත් පාසල් ක්‍රීඩා උලෙළේ වයස අවුරැදු 20 න් පහළ දුර පැනීම සහ තුන් පිම්ම ප්‍රථම ස්ථාන හිමිකර ගනිමින් එම තරගාවලියේ දක්ෂතම ක්‍රීඩිකාව බවට පත්වූවාය.
2016 ජාතික පාසල් ක්‍රීඩා උලෙළේ වයස අවුරැදු 19 න් පහළ දුර පැනීම ප්‍රථම ස්ථානය දිනාගත් ඇය එහිදී වසර විස්සක් පැරණි වාර්තාවක් බිද හෙළමින් නව තරග වාර්තාවක් පිහිටුවීමට ද සමත් වූවාය. එම තරගාවලියේ සුවිශේෂි ක්‍රීඩිකාව ලෙස ද ඇය සම්මාන ලැබුවාය. 2016 දකුණු පළාත් පාසල් ක්‍රීඩා උලෙළේ අවුරැදු 19 න් පහළ දුර පැනීම සහ තුන් පිම්ම ප්‍රථම ස්ථාන දිනාගත් ඇය එම තරගාවලියේ වයස අවුරැදු 19 න් පහළ දක්ෂතම ක්‍රීඩිකාව ලෙසද සම්මාන ලැබුවාය. 2012 වසරේ ක්‍රීඩාවට යොමු වී ඇති රිද්මි, චන්දිමාල් නිරෝෂණ මහතා යටතේ පුහුණුවීම්වල නිරත වෙයි.