ශ්‍රී ලංකා ක්‍රිකට් කණ්ඩායම නියෝජනය කරන යුද හමුදා ක්‍රීඩකයන් වන අසේල ගුණරත්න හා සීක්කුගේ ප්‍රසන්න දැනට දරණ යුද හමුදා තනතුරුවලින් ඉහළ දැමීමට යුද හමුදාව කටයුතු කර තිබේ. ඒ අනුව සීක්කුගේ ප්‍රසන්න බලලත් නිලධාරි 01 තනතුර දක්වාත් අසේල ගුණරත්න බලලත් නිලධාරී 02 තනතුර සඳහාත් උසස් කර තිබේ.

යුද හමුදාව තුළ සෙසු නිලයන්ට ලබාගත හැකි උසස්ම තනතුර වන්නේ බලලත් නිලධාරී 01 තනතුරයි. සීක්කුගේ ප්‍රසන්න ශ්‍රී ලංකා කණ්ඩායම දකුණු අප්‍රිකාවේ  ලැබූ පළමු විස්සයි20 තරගාවලි ජය වෙනුවෙන් සුවිශේෂී මෙහෙයක් ශ්‍රී ලංකාව වෙනුවෙන් කළ අතර ඔස්ට්‍රෙලියාවේ පැවැති විස්සයි20 තරගාවලිය ජය ගැනීමට අසේල ගුණරත්න සුවිශේෂී මෙහෙයක් කළේය.

නිරෝෂා ප්‍රියදර්ශනී