ටෝකියෝ ඔලිම්පික් උළෙලේ විශේෂතා

2021 සැප්තැම්බර් මස 28 ප.ව. 12:05 - {{hitsCtrl.values.hits}}  

ඔලිම්පික් පුරාවෘතයක් වූ ඔක්සානා

ඔලිම්පික් ඉතිහාසයේ සුවිශේෂී සංදිස්ථානයක් පසුකරමින් සිය 08 වැනි ඔලිම්පික් උළෙලෙන් තරග බිමෙන් සමුගැනීමට ජිම්නාස්ටික් ක්‍රීඩිකා ඔක්සානා චුසොවිටිනා සමත් වූවාය. මේ වනවිට 46 වැනි වියේ පසුවන චුසොවිටිනා, රටවල් තුනක් නියෝජනය කරමින් මෙම දක්‍ෂතාව දැක්වීමද සුවිශේෂී වෙයි.

ඔක්සානා, 1992 වසරේදී එවක සෝවියට් සමූහය නියෝජනය කරමින් කණ්ඩායම් රන් පදක්කමක් දිනූ ක්‍රීඩිකාවක වෙයි. කෙසේ නමුත් ඉන් අනතුරුව ජර්මනිය නියෝජනය කරමින් ඔලිම්පික් උළෙලට සහභාගි වූ ඔස්සානා, මෙවර උස්බෙකිස්තානය නියෝජනය කරමින් සහභාගි වූවාය. ඇය බාසිලෝනා (1992/ස්පඤ්ඤය), ඇට්ලැන්ටා (1996/ඇමරිකාව), සිඩ්නි (2000/ඔස්ට්‍රේලියාව), ඇතෑන්ස් (2004/ග්‍රීසිය), බීජිං (2008/චීනය), ලන්ඩන් (2012/ මහා බ්‍රිතාන්‍ය) හා රියෝ (2016/බ්‍රසීලය) යන ඔලිම්පික් උළෙල නියෝජනය කර ඇත.

ඔලිම්පික් උළෙලට එක් වූ ළාබාලම ක්‍රීඩිකාව

මෙවර ඔලිම්පික් උළෙලට ක්‍රීඩකරන ළාබාලම තරගකරුවා බවට සිරියානු මේසපන්දු ක්‍රීඩිකා හෙන්ඩ් සාසා පත්ව සිටියි. ඇය සිය පළමු තරගය තරගයට ක්‍රීඩාකරන විට වයස අවුරුදු 12යි දින 204ක් විය. කෙසේ නමුත් ඇය මුහුණදුන් තරගයෙන් ඔස්ට්‍රියානු ක්‍රීඩිකාවක හමුවේ තරග වට 4-0ක පරාජයක් අත්වින්දේය.

අවුරුදු දහතුනේ නිෂියාට රන් පදක්කමක්

ජපාන ඔලිම්පික් ඉතිහාසයේ රන් පදක්කමක් දිනූ ළාබාලම ක්‍රීඩිකාව බවට පත්වීමට නිෂියා මොමිජි ඊසමත් වූවාය. මෙවර ඔලිම්පික් උළෙලට අලුතින් හඳුන්වාදුන් ක්‍රීඩා ඉසව්වක් වන ස්කේට්බෝර්ඩිං ඉසව්වෙන් ඇය මෙම පදක්කම දිනාගත්තාය. ඒ අනුව එම ඉසව්වේ පළමු රන් පදක්කම දිනූ ක්‍රීඩිකාවගේ ගෞරවයද ඇය හිමිකර ගත්තාය.

මෙහි රිදී පදක්කම දිනාත්තේද වයස 13ක බ්‍රසීල ක්‍රීඩිකාවක වන රේසා ලීල් වන අතර, ලෝකඩ පදක්කම හිමි වූයේ 16 හැවිදිරි ජපානයේම ෆුනා නයමාටය. 

සංජීව ධර්මසේන/ ජපානයේ ටෝකියෝ නුවර සිට

දින පොත