2026 වසරේ පැවැත්වීමට නියමිත සීත සෘතු ඔලිම්පික් තරගාවලියේ සත්කාරකත්වය ඉතාලියට හිමිව තිබේ. ඒ අනුව ඉතාලියේ මිලානේ හා කෝර්ටිනා නගර කේන්ද්‍රකර ගනිමින් තරගාවලිය පැවැත්වීමට නියමිතව තිබේ. 

ස්විට්සර්ලන්තයේ ලුසෑන්හි පැවැති ජාත්‍යන්තර ඔලිමිපික් කමිටුවේ 134 වැනි සැසිවාරයේදී ඉතාලියට මෙම සත්කාරකත්වය හිමිව තිබේ.

ඉතාලිය සමගින් සීත සෘතු ඔලිම්පික් තරගාවලියේ සත්කාරකත්වය ලබාගැනීම සඳහා ස්වීඩනයේ ස්ටෝක්හෝම් නුවර තරග කරනු ලැබීය. ජාත්‍යන්තර ඔලිම්පික් කමිටු සාමාජිකයන්ගේ ඡන්ද විමසීමෙන් 47-34ක් ලෙස ඉතාලියට සත්කාරකත්වය හිමිවිය.