එක්සත් ජනපදයේ හිටපු ජනාධිපති ජෝ බයිඩන් (82)ට පුරස්ථි ග්‍රන්ථි පිළිකාවක් වැළඳි ඇති බවට හඳුනාගෙන ඇති අතර එය ඔහුගේ අස්ථි දක්වා පැතිරී ඇති බව ඔහුගේ කාර්යාලය ඉරිදා මාධ්‍ය වෙත නිකුත් කළ නිවේදනයක දැක්වේ.

ජනවාරි මාසයේදී ධුරයෙන් ඉවත් වූ බයිඩන්, මුත්‍රා රෝග ලක්ෂණ සඳහා පසුගිය සතියේ වෛද්‍යවරයෙකු හමුවීමෙන් පසුව කරනු ලැබූ පරීක්ෂණ වලදී පසුගිය සිකුරාදා දිනයේදී් ඔහුට පිළිකාවක් වැළඳී ඇති බවට තහවුරු කර ගෙන තිබේ.

බයිඩන්ගේ පිළිකාව වඩාත් ආක්‍රමණශීලී ආකාරයක් වන අතර එය ග්ලීසන් ලකුණු 10 න් 9 ක් මගින් සංලක්ෂිත වේ. මෙයින් අදහස් කරන්නේ ඔහුගේ රෝගය "ඉහළ ශ්‍රේණියේ" ලෙස වර්ගීකරණය කර ඇති අතර පිළිකා සෛල ඉක්මනින් පැතිර යා හැකි බව එක්සත් රාජධානියේ පිළිකා පර්යේෂණ ආයතනය පවසයි.

බයිඩන් සහ ඔහුගේ පවුලේ අය ප්‍රතිකාර විකල්ප සමාලෝචනය කරමින් සිටින බව පැවසේ. ඔහුගේ කාර්යාලය තවදුරටත් පැවසුවේ පිළිකාව හෝමෝන-සංවේදී බවත්, එනම් එය කළමනාකරණය කළ හැකි බවත්ය.