අන්තර් නිවර්තන අභිසාරී කලාපය (උතුරු සහ දකුණු අර්ධගෝලයන්ගෙන් පැමිණෙන සුළං හමුවන  අඩු පීඩන කලාපය) දිවයිනෙහි කාලගුණ තත්ත්වයට බලපෑම් කරමින් තිබෙන බව කලගුණවිද්‍යා දෙපාර්තමේන්තුව නිවේදනය කරයි.කාලගුණවිද්‍යා දෙපාර්තමේන්තුව අද (18) නිකුත් කළ කාලගුණ අනවැකියේ සඳහන් වන්නේ, අපරභාගයේ සහ රාත්‍රී කාලයේ දී මේ නිසා අකුණු සහ වැසි සහිත කාලගුණ තත්වයක්  ඇති විය හැකි බවය.

දිවයිනේ බොහෝ ප්‍රදේශවල සවස 2.00 න් පමණ පසු  වැසි හෝ ගිගුරුම් සහිත වැසි  ඇති ‍වන බවත් බස්නාහිර සහ දකුණු පළාත්වල උදැසන කාලයේ දී වැසි ඇති විය හැකි බවත් කාලගුණවිද්‍යා දෙපාර්තමේන්තුව නිවේදනය කරයි. සමහර ස්ථානවලට තරමක් තද වැසිද (මිලී මීටර් 75-100 පමණ) ඇතිවීමට ඉඩ ඇති බව ද නිවේදනයේ සඳහන් වෙයි.