දිවයිනේ බොහෝ ප්‍රදේශවලට බලපෑ අයහපත් කාලගුණික තත්ත්වය මෙන් ම දකුණු පළාත තුළ පැතිර ගිය වෛරස් රෝගී තත්ත්වය පිළිබඳවද අවධානය යොමු කර පාසල් දරුවන්ට ඒ මගින් ඇති විය හැකි රෝගාබාධ වැළැක්වීම සඳහා විමසිලිමත්ව සිටිමින්, අවශ්‍ය කඩිනම් ක්‍රියාමාර්ග ගැනීමට සූදානම්ව සිටින ලෙස අධ්‍යාපන අමාත්‍ය අකිල විරාජ් කාරියවසම් මහතා නිලධාරීන්ට උපදෙස් ලබා දී ඇත.

එමෙන් ම පාසල්, කාර්යාල හා අධ්‍යාපන ආයතන පරිශ්‍ර පිරිසිදු කිරීම පිළිබඳ සියලු පාසල් ගුරුවරුන්, විදුහල්පතිවරුන්, පළාත් හා කලාප කාර්යාල නිලධාරීන් මෙන්ම අධ්‍යාපන ආයතන ප්‍රධානීන් සහ මවුපියන් දැනුවත් කිරීමට සඳහා අවශ්‍ය පියවර ගන්නා ලෙස ද අමාත්‍යවරයා නිලධාරීන්ට උපදෙස් ලබා දී ඇත.

එසේම පසුගිය කාලය පුරා දියත් කෙරුණු ඩෙංගු මර්දන වැඩසටහන් අඛණ්ඩව ක්‍රියාත්මක කිරීම සඳහා විදුහල්පතිවරුන් දැනුවත් කිරීමට කටයුතු කරන ලෙස ද නිලධාරීන්ට උපදෙස් ලබා දී ඇත.

I: සබැඳි පුවත්-

හානියට පත් පාසල් අධ්‍යාපන ඇමැති නිරීක්ෂණය කරයි