ලබන වසරේ පාසල් දරුවන් සඳහා ලබා දෙන නිල අඳුම් වවුචර පාසල් මට්ටමින් බෙදා හැරීම ලබන සතියේ සිට අරඹන බව අධ්‍යාපන අමාත්‍ය අකිල විරාජ් කාරියවසම් මහතා කියයි. කොළඹ තර්ස්ටන් විද්‍යාලයේ වාර්ෂික ත්‍යාග ප්‍රදානෝත්සවයේදී අමාත්‍යවරයා මේ බව අනාවරණය කළේය. පන්ති කාමරවල සිටින සිසුන් ප්‍රමාණයන් පිළිබඳවද  අදහස් දැක්වු අමාත්‍යවරයා දරුවන්ගේ අධ්‍යාපන කටයුතු සාර්ථක කිරීම වෙනුවෙන් පන්ති කාමරවල සිටින දරුවන් ප්‍රමාණයන් 35 හෝ 40 මට්ටමට රැගෙන ඒමට කටයුතු කිරීම තම අරමුණ බවද පැවසීය. ඒ වෙනුවෙන් පාසල්වල පහසුකම් සංවර්ධනය කිරීම සඳහා  ළඟම පාසල හොඳම පාසල නමින් විශේෂ වැඩ සටහනක් දියත් කර ඇති බවද පැවසු අමාත්‍යවරයා සෑම දරුවකුටම තම නිවසට ආසන්නයේම පිහිටි පාසල හෙඳම පාසල බවට පත් කර දීමට පියවර ගන්නා බවද පැවසීය.