ඉන්දියාවේ ලඩක් (Ladakh) ප්‍රදේශය වෙනමම ප්‍රාන්තයක් වශයෙන් නම් කිරීමට ඉන්දීය රජය විසින් පියවර ගැනීමත් සමගබෞද්ධ බහුතරයකින් යුතු ප්‍රථම ඉන්දීය ප්‍රාන්තය බවට ලඩක් පත්වන බව අග්‍රාමාත්‍ය රනිල් වික්‍රමසිංහ මහතා පවසයි.

අග්‍රාමාත්‍යවරයා ට්විටර් පණිවිඩයක් නිකුත් කරමින් පවසන්නේ ලඩක් ප්‍රාන්තයේ සියයට හැත්තෑවක බෞද්ධ ජනගහණයක් වෙසෙන බවයි.

තමන් ලඩක් ප්‍රදේශයේ සංචාරය කර ඇති බවත් , එහි සුන්දරත්වය හොඳින් අත් විඳ ඇති බව පවසන අග්‍රාමාත්‍යවරයා මහතා එය සංචාරය කිරීමට සුදුසු පළාතක් බව ද වැඩිදුරටත් සඳහන් කරයි. ලඩක් කලින් තිබුනේ ජම්මු කාශ්මීර් ප්‍රාන්තයට අයත්ව ය. එය හිමාලයට සමීපව ජම්මුකාශ්මීරයේ මුහුදු මට්ටමේ සිට 9800 ඉහලින්ම පිහිටි සානු සහිත සුන්දර කඳුකර පළාතකි. මාස 6 ක් ග්‍රීෂ්ම කාලය පවතින අතර මාස හයක්ම පවතින්නේ ගංගා අයිස් බවට පත් කරවන ශීත කාලයයි.
ඡායාරූප - wikipedia