මහනුවර උසස් බාලිකාවේ විද්‍යා අංශයේ බලශක්ති සමාජය විදුලි බලය අඩුවෙන් වැය වෙන නව LED බල්බ එකලස් කිරීමේ ව්‍යාපෘතියක් ආරම්භ කර ඇත. ඒ යටතේ වොට් 10 හා 18 බල්බ එකලස් කර පාසල් ප්‍රජාව වෙත සහන මිලට අලෙවි කිරීම පසු ගිය දා ආරම්භ කෙරිණි.

බලශක්ති සමාජයේ ශිෂ්‍යාවන් 50ක් පමණ මෙම කාර්යයට දායක වන අතර එහි මුල් නිෂ්පාදන කට්ටලය විදුහල්පතිනි එම්. අබේගුණසේකර මහත්මිය වෙත පිරිනැමූ අවස්ථාව මෙහි දැක්වේ. පාසල් බලශක්ති සමාජයේ ඩී. ඩබ්ලිව්. කුමාර, රවීන්ද්‍ර විජේසේකර, මංගලා කුමාරිහාමි යන උපදේශක මහත්ම මහත්මීහු ද මෙහි වෙති.

(ඇන්ටන් විජේරත්න විසිනි)