මොරගහකන්ද -  කළුගග වාරි ව්‍යාපෘතියේ විදුලි බලාගාර තුළින් ජාතික විදුලි පද්ධතියට දිනපතා විදුලිය මෙගාවොටි  25 ක් මුදා හැරිම ආරම්භ කර ඇති බව ව්‍යාපෘතියේ මහජන සම්බන්ධතා අංශය උපුටා දක්වමින් අද පුවත්පත වාර්තා කරයි. ඉහළ ජලාධාර ප‍්‍රදේශ වලට ඇද හැලෙන ධාරානිපාත වර්ෂා තත්ත්වය හමුවේ මොරගහකන්ද ජලාශයට අද දිනය 06වන විට අක්කර අඩි දෙලක්ෂ අනූ හත්දහසක පමණ ජල ප‍්‍රමාණයක් ලැබී ඇති බව අද පුවත්පත කළ  විමසීමක දී මොරගහකන්ද වාරි ව්‍යාපෘතියේ මහජන සම්බන්ධතා නිලධාරි පී.ජී.දයානන්ද මහතා කියා ඇත. එය සමස්ත ජලාශයේ සියයට හැට හයක මට්ටමක් බව ද හෙතෙම අද පුවත්පතට පවසා තිබේ.

සබැඳි පුවත්

• මොරගහ කන්දෙන් විදුලියට ජලය මුදා හැරෙයි
• වනගහනය සියයට 32% දක්වා ඉහළ නංවීමේ සැලැස්මක්
• මොරගහකන්දට ජලය පුරවන්න පෙර බලන්න
• මොරගහකන්ද විදුලි උත්පාදනය අත්හදා බැලීමට ජලය මුදා හරියි
• මොරගහකන්දේ හෙට මංගල දියවර නිකුත් කෙරේ
• මොරගහකන්ද ජලාශය කීර්තිමත් ඉංජිනේරු ඒ.එන්.එස්.කුලසිංහ ජලාශය ලෙස නම් කිරීමට ජනපති යෝජනා කරයි

දැනට පවතින වාර්තාවන්ට අනුව වසර 50 කට පසු ලැබුණු වැඩිම වර්ෂාපතනය පසුගිය සමයේ මොරගහකන්ද ප‍්‍රදේශයට පතිත වී තිබේ. මීට අමතරව ජාතික විදුලි පද්ධතියට එක්වන විදුලි ප‍්‍රමාණයෙන් දිනකට ලක්ෂ 40 ක පමණ ආදායමක් මොරගහකන්ද විදුලි බලාගාරය තුළින් ලැබෙන බවත් විදුලි බලාගාරයෙන් වාර්ෂිකව අපේක්ෂිත ආදායම රුපියල් මිලියන 1545 කි.