දිවයිනේ නිරිත දිග කොටසේ පවතින වැසි සහිත කාලගුණ තත්ත්වයේ තරමක වැඩිවීමක් විශේෂයෙන් අද (23) රාත්‍රියේ සිට බලාපොරොත්තු විය හැකි යැයි කාලගුණ විද්‍යා දෙපාර්තමේන්තුව සඳහන් කරයි. බස්නාහිර, දකුණු, සබරගමුව, මධ්‍යම සහ වයඹ පළාත්වල විටින් විට වැසි හෝ ගිගුරුම් සහිත වැසි ඇති වේ. සෙසු පළාත්වල විශේෂයෙන් සවස 2.00 න් පසු වැසි හෝ ගිගුරුම් සහිත වැසි ඇති වේ. යාපනය,මන්නාරම සහ මුලතිව් දිස්ත්‍රික්කවල උදැසන කාලයේ දීත් වැසි හෝ ගිගුරුම් සහිත වැසි ඇති වේ. සබරගමුව, බස්නාහිර, මධ්‍යම සහ වයඹ පළාත්වලත් ගාල්ල සහ මාතර දිස්ත්‍රික්කවලත් ඇතැම් ස්ථානවලට මි.මී.100ක පමණ තද වැසි ඇති විය හැක. මුලතිව්, ත්‍රිකුණාමලය  සහ මඩකලපුව දිස්ත්‍රික්කවල ඇතැම් ස්ථානවලට මි.මී.75ක පමණ තරමක තද වැසි ඇති විය හැක. ගිගුරුම් සහිත වැසි ඇති වන විට එම ප්‍රදේශවල තාවකාලිකව තද සුළං ඇති විය හැක. අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් කාරුණිකව ඉල්ලා සිටිනු ලැබේ.

I සබැඳි පුවත්-

• ගං වතුර අවදානම හෙට - අනිද්දාත්

• ආපදා තත්ත්වයෙන් පාසල් දරුවන් සුරක්ෂිත කිරීමට පාසල් සුරක්ෂිතතා වැඩසටහනක්

• විපතට පත් ජනතාවට කඩිනමින් සහන සලසන්න

• පළාත් 5කට දිස්ත්‍රික්ක 2කට තද වැසි

• ඔයවල් 6ක් අවධානම්

• රත්නපුර, නිවිතිගල,දෙහිඕවිටි අධ්‍යාපන කලාපවල පාසල් වහයි

• වැසි හේතුවෙන් පාසල් පැවැත්වීමේ බලය පළාත් හා කලාප අධ්‍යක්ෂවරුන් වෙත